Qoǵam • 20 Sáýir, 2020

Nur-Sultan qalasy táýlik boıy dezınfeksııalanyp jatyr

160 ret

kórsetildi

1 mın

oqý úshin

Nur-Sultan qalasynda dezınfeksııa jumystary táýlik boıy eki aýysymda júrgizilip jatyr. Kún saıyn dezınfeksııaǵa 500-den astam adam shyǵady . Qalalyq qyzmettermen birge dezınfeksııaǵa qarýly kúshterdiń bıologııalyq qorǵaý bólimsheleri men áskerge shaqyrylǵandar da qatysady. Bul týraly qala ákiminiń orynbasary Altynbek Qaısaǵalıev málimdedi.

Egemen Qazaqstan

Nur-Sultan qalasy táýlik boıy dezınfeksııalanyp jatyr

- Memleket Basshysy Qasym-Jomart Kemeluly Toqaevtyń tapsyrmasyna sáıkes dezınfeksııa jumystary kúsheıtildi. Jumys táýlik boıy júrgizilip jatyr. Barlyq aýdandar qamtyldy. Arnaıy tehnıka jumyldyryldy, onyń ishinde Qorǵanys mınıstrliginiń, Tótenshe jaǵdaılar departamentiniń mashınalary da bar. Áleýmettik nysandar, bazarlar, saýda oıyn-saýyq ortalyqtary, trotýarlar, úı ishi aýmaqtary men kireberister, joldar dezınfeksııalanyp jatyr. Avtokólikter de ınfeksııany tarata alady. Demek, joldardy da arnaıy eritindimen óńdeý mańyzdy, - dedi qala ákiminiń orynbasary Altynbek Qaısaǵalıev.

Dezınfeksııa jumystary jeke sektordy da qamtıdy. 2800-den astam turǵyn úı kesheni úshinshi ret óńdelip jatyr. Qalada júrip jatqan abattandyrý jumystary - qorshaýlardy, metall qurylymdardy, joldardy jýý - dezınfeksııa jumystaryna kómektesýde.

Elorda ákimi Altaı Kólginovtiń tapsyrmasyna sáıkes karantın kezinde jumys atqaryp jatqan kommýnaldyq qyzmetkerler syıaqy alady. 1 qańtardan bastap qyzmetkerlerdiń aılyǵy ósti, syıaqy berildi.