Nóldik koeffısıenti bar salyqtar men áleýmettik tólemder belgilendi

Qazaqstan Respýblıkasy Úkimetiniń 2020 jylǵy 20 sáýirdegi №224 Qaýlysy

«Ekonomıkany turaqtandyrý jónindegi odan arǵy sharalar týraly» Qazaqstan Respýblıkasy Prezıdentiniń 2020 jylǵy 16 naýryzdaǵy № 287 Jarlyǵyn salyq salý máseleleri boıynsha iske asyrý jónindegi odan arǵy sharalar týraly

«Ekonomıkany turaqtandyrý jónindegi odan arǵy sharalar týraly» Qazaqstan Respýblıkasy Prezıdentiniń 2020 jylǵy 16 naýryzdaǵy № 287 Jarlyǵyna sáıkes Qazaqstan Respýblıkasynyń Úkimeti QAÝLY ETEDI:

1. Mynadaı salyqtar men áleýmettik tólemderdiń:

• tólem kózinen ustalatyn jeke tabys salyǵynyń;
• jeke praktıkamen aınalysatyn tulǵa derbes tóleıtin jeke tabys salyǵynyń;
• dara kásipkerdiń ózi úshin tóleıtinderin qospaǵanda, áleýmettik salyqtyń, mindetti zeınetaqy jarnalarynyń, mindetti kásiptik zeınetaqy jarnalarynyń, áleýmettik aýdarymdardyń, mindetti áleýmettik medısınalyq saqtandyrýǵa jarnalar men aýdarymdardyń mólsherlemelerine «0» koeffısıenti belgilensin.

Osy tarmaqtyń erejeleri mynadaı salyq tóleýshiler men olardyń jumyskerlerine qatysty qoldanylady:

• mindettemeleri boıynsha tóleý (aýdarý) merzimi 2020 jylǵy 1 sáýirden bastap 1 qazanǵa deıingi kezeńde bastalatyn jeke praktıkamen aınalysatyn tulǵalar jáne osy qaýlyǵa 1-qosymshaǵa sáıkes qyzmet túrleriniń tizbesi boıynsha qyzmetin júzege asyratyn mıkro, shaǵyn nemese orta kásipkerlik sýbektileri;
• mindettemeleri boıynsha tóleý (aýdarý) merzimi 2020 jylǵy 1 sáýirden bastap 1 shildege deıingi kezeńde bastalatyn, osy qaýlyǵa 2-qosymshaǵa sáıkes qyzmet túrleriniń tizbesi boıynsha qyzmetin júzege asyratyn iri kásipkerlik sýbektileri.

2. 2020 jylǵy 1 sáýirden bastap 2020 jylǵy 1 qazanǵa deıingi kezeńde:

• áýe aılaqtaryndaǵy ushý-qoný jolaqtary men áýejaılardyń termınaldary boıynsha;
• jeke praktıkamen aınalysatyn tulǵalardyń múlik salyǵynyń mólsherlemelerine «0» koeffısıenti belgilensin.

3. Áýe jolaýshylar kóligi qyzmetimen aınalysatyn Qazaqstan Respýblıkasynyń rezıdentteri-salyq tóleýshilerge tehnıkalyq qyzmet kórsetý jáne áýe kemeleri lızınginiń mámilelerin zańdyq súıemeldeý boıynsha rezıdent emes úshin eseptelgen qosylǵan qun salyǵyn tóleý boıynsha 2021 jylǵy 1 qańtarǵa deıin keıinge qaldyrý berilsin.

Bul rette eseptelgen qosylǵan qun salyǵynyń somasy 2021 jylǵy
1 qańtarǵa deıin bıýdjetke tólengen jaǵdaıda atalǵan salyq tóleýshiler rezıdent emes úshin eseptelgen qosylǵan qun salyǵynyń somasyn rezıdent emesten osyndaı jumystardy, kórsetiletin qyzmetterdi satyp alý salyq salynatyn aınalym dep tanylǵan salyq kezeńinde esepke jatqyzady.

4. «COVID-19 koronavırýsymen kúres sheńberinde epıdemııaǵa qarsy is-sharalarǵa qatysatyn densaýlyq saqtaý uıymdarynyń qyzmetkerlerin qarjylyq qoldaýdyń keıbir máseleleri týraly» Qazaqstan Respýblıkasy Densaýlyq saqtaý mınıstriniń 2020 jylǵy 4 sáýirdegi № 28/2020 buıryǵyna sáıkes 2020 jylǵy 1 naýryzdan bastap tólenetin epıdemııaǵa qarsy
   is-sharalarǵa tartylǵan qyzmetkerlerdiń ústemeaqylary tólem kózinen ustalatyn jeke tabys salyǵynyń, áleýmettik salyqtyń, mindetti zeınetaqy jarnalarynyń, mindetti kásiptik zeınetaqy jarnalarynyń, áleýmettik aýdarymdardyń, jarnalardyń jáne mindetti áleýmettik medısınalyq saqtandyrýǵa aýdarymdardyń obektileri bolyp tabylmaıdy dep belgilensin.
5. 2019 jylǵy mindettemeler boıynsha salyq eseptiligi nysandaryn tapsyrý merzimi 2020 jylǵy 31 naýryzdan 2020 jylǵy 31 mamyrǵa aýystyrylsyn.
6. Osy qaýly 2020 jylǵy 1 naýryzdan bastap qoldanysqa engiziletin 4 jáne 5-tarmaqtardy qospaǵanda, 2020 jylǵy 1 sáýirden bastap qoldanysqa engiziledi jáne resmı jarııalanýǵa tıis.

1-qosymsha

2-qosymsha

Qazaqstan Respýblıkasynyń

                 Premer-Mınıstri                                        A. Mamın