Onyń aıtýynsha, taraptar transshekaralyq sý nysandary jónindegi yntymaqtastyq məselesin talqylaǵan.
«Oral ózenin saýyqtyrý jóninde sarapshylyq organ qurý týraly sheshim qabyldaýdyń səti tústi. Bul rette ǵalymdar ózenniń ekojúıesin saýyqtyrý jəne sý arnasyn boljamdaý jónindegi eki məsele boıynsha jumys isteıdi. Organnyń quramyn 20 səýirge deıin anyqtaý kelisildi», dep jazdy M.Myrzaǵalıev.
Sondaı-aq Jaıyq jəne Ertis ózenderin eko-saýyqtyrý baǵdarlamasyn, Jaıyq ózeniniń gıdrologııalyq rejimin tekserý məselesin talqylaýdyń səti túsken.
«Bul jumystar Prezıdent tapsyrmasy boıynsha júrgizilýde. Atqarylatyn isterdi qazaqstandyq-reseılik salalyq komıssııa sheńberinde jandandyrý kelisildi», dep atap ótti elimizdiń Ekologııa mınıstri.
Bul ýaǵdalastyqtar eki eldiń sý sharýashylyǵyndaǵy yntymaqtastyǵyn jandandyryp, transshekaralyq sý nysandarynyń eko-ahýalyn jaqsartýǵa arnalǵan. Budan basqa, taraptar Qazaqstan men Reseı 17-aımaqaralyq yntymaqtastyq forýmynyń sheńberinde qol qoıý josparlanyp otyrǵan ekijaqty qujattardyń jobasyn talqylap, olardy kelisý prosesin jedeldetýge ýaǵdalasty.
