Bıylǵy jyly el Úkimeti tarapynan Jambyl óńirine 18,3 myń tonna kepildendirilgen dızel otyny bólingen. Onyń ishinde 3500 tonna naýryz aıyna, 5000 tonna sáýir aıyna, 5300 tonna mamyr aıyna jáne 4500 tonna maýsym aıyna qarastyrylǵan. Oblystyq aýyl sharýashylyǵy basqarmasynyń málimetinshe, naýryz aıynda 3305 tonna, ıaǵnı 94,4 paıyz janarmaıdyń qarjysy aýdarylyp, onyń 2935 tonnasy, ıaǵnı 84 paıyzy jetkizilip, 1747 tonnasy tıisti operatorlar arqyly sharýalarǵa taratylǵan eken.
Al, sáýir aıyna bólingen 5000 tonna dızel otynynyń búginde 3595 tonnasyna qarjy aýdarylǵan. Onyń 2494 tonnasy jetkizilip, 635 tonna dızel otyny taratylǵan. Sonymen qatar, naýryz aıynda oblys sharýashylyqtaryna arzandatylǵan dızel otynynyń 1 lıtri 175-177 teńge kóleminde taratylǵan. Alaıda, elimizde engizilgen tótenshe jaǵdaıǵa baılanysty Memleket basshysy Qasym-Jomart Toqaevtyń Úndeýine sáıkes, sáýir aıynan bastap dızel otynynyń ár lıtri zaýyttardan 143-144 teńge kóleminde bosatylýda.
Al, aýyl sharýashylyǵy taýar óndirýshilerine janarmaıdyń 1 lıtri 158-160 teńge aralyǵynda taratylýda.
Jambyl oblysy
