Máselen, Granıtnyı kentindegi ES-166/25 jabyq mekemesinen karantın ýaqytynda 7 adam bosatylǵan.
–Búginde bizdiń jabyq mekemede 378 bas bostandyǵynan aıyrylǵan adam bar. Olardyń 7-eýi karantın ýaqytynda bosap, úılerine deıin jetkizildi. Taıaýda taǵy jıyrmasy bosap shyqpaq. Olardy da mekenjaıy boıynsha jetkizip salý uıymdastyrylady,–deıdi ES-166/25 mekemesi bastyǵynyń orynbasary Sultan Qusaıynov.
Jalpy, karantın ýaqyty bastalǵaly kórshiles oblystardaǵy túzetý mekemelerinen bosaǵan 20-dan astam azamat óńirdegi blok-beketter arqyly ótkizilip, úılerine jetkizilgen. Taǵy da 30-ǵa jýyǵyn probasııa qyzmetkerleri osy aıdyń aıaǵyna deıin óńirdiń shekaralaryndaǵy beketterden kútip alyp, shyǵaryp salmaqshy.
