Qazaqstan Respýblıkasy Úkimetiniń 2020 jylǵy 15 sáýirdegi №207 Qaýlysy
«Qazaqstan Respýblıkasynyń aýmaǵyndaǵy áýejaılarǵa, porttarǵa, temirjol vokzaldaryna, temirjol stansalaryna, metropolıten stansalaryna, avtovokzaldarǵa, avtostansalarǵa, fızıkalyq-geografııalyq jáne memleket menshigindegi basqa da obektilerge ataý berý, sondaı-aq olardy qaıta ataý, olardyń ataýlarynyń transkrıpsııasyn naqtylaý men ózgertý jáne memlekettik zańdy tulǵalarǵa, memleket qatysatyn zańdy tulǵalarǵa jeke adamdardyń esimin berý qaǵıdalaryn bekitý týraly» Qazaqstan Respýblıkasy Úkimetiniń 1996 jylǵy 5 naýryzdaǵy № 281 qaýlysyna ózgeris engizý týraly
Qazaqstan Respýblıkasynyń Úkimeti QAÝLY ETEDI:
1. Qazaqstan Respýblıkasynyń aýmaǵyndaǵy áýejaılarǵa, porttarǵa, temirjol vokzaldaryna, temirjol stansalaryna, metropolıten stansalaryna, avtovokzaldarǵa, avtostansalarǵa, fızıkalyq-geografııalyq jáne memleket menshigindegi basqa da obektilerge ataý berý, sondaı-aq olardy qaıta ataý, olardyń ataýlarynyń transkrıpsııasyn naqtylaý men ózgertý jáne memlekettik zańdy tulǵalarǵa, memleket qatysatyn zańdy tulǵalarǵa jeke adamdardyń esimin berý qaǵıdalaryn bekitý týraly Qazaqstan Respýblıkasy Úkimetiniń 1996 jylǵy 5 naýryz № 281 qaýlysyna (Qazaqstan Respýblıkasynyń PÚAJ-y, 1996 j., № 11, 81-qujat) mynadaı ózgeris engizilsin:
kórsetilgen qaýlymen bekitilgen Qazaqstan Respýblıkasynyń aýmaǵyndaǵy áýejaılarǵa, porttarǵa, temirjol vokzaldaryna, temirjol stansalaryna, metropolıten stansalaryna, avtovokzaldarǵa, avtostansalarǵa, fızıkalyq-geografııalyq jáne memleket menshigindegi basqa da obektilerge ataý berý, sondaı-aq olardy qaıta ataý, olardyń ataýlarynyń transkrıpsııasyn naqtylaý men ózgertý jáne memlekettik zańdy tulǵalarǵa, memleket qatysatyn zańdy tulǵalarǵa jeke adamdardyń esimin berý qaǵıdalaryna:
2-tarmaqtyń 4) tarmaqshasy mynadaı redaksııada jazylsyn:
«4) qaharmandyq pen erlik tanytqan, memleket táýelsizdigin nyǵaıtýǵa eren úles qosqan tulǵalardyń esimderin berý jaǵdaılaryn qospaǵanda, asa kórnekti memleket jáne qoǵam qaıratkerleriniń, ǵylym, mádenıet qaıratkerleriniń jáne Qazaqstan Respýblıkasy men álemdik qoǵamdastyq aldynda eńbek sińirgen basqa da jeke adamdardyń esimderin qaıtys bolǵan kúninen bastap keminde bes jyl ótken soń berý;».
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri A. Mamın
