«Tótenshe jaǵdaıǵa qaramastan dári-dármek eldiń barlyq óńirlerine jetkizilip jatyr. Jalpy 2020 jylǵa biryńǵaı dıstrıbıýter aıasynda 1385 ataýly dári-dármek 259 mlrd teńgege shart jasaldy. Onyń ishinde medısınalyq mekemelerge 86 mlrd teńgege dári-dármek tolyǵymen jetkizildi», - dedi B.Shárip.
Sondaı-aq ol naýqastarǵa qolma-qol tegin 27 mlrd teńgeniń dári-dármegi berilgenin atap ótti.
«Medısınalyq mekemelerde 27 mlrd teńgeniń dári–dármek qaldyqtary bar. Stasıonarlyq deńgeıde jyl basynan bastap 39 mlrd teńgeniń dári-dármegin jetkizdik. Qazir ol medısınalyq mekemelerde koronavırýsty emdeý úshin qoldanylyp jatyr. Onyń ishinde antıbıotıkter men qyzýdy túsiretin preparattar bar. Ony barlyq medısınalyq mekemelerge jetkizip jatyrmyz. Dese de dárilerdi jetkizý boıynsha qıyndyqtar týyndap jatyr. Mysaly, Úndistannyń shekarasy jabyq. Sondyqtan keıbir dári-dármektiń jetýi keshiktirilýde. Bul máseleler sheshilip jatyr. Bıyl qazan aıynan bastap, jeltoqsan aıyna deıin satyp alý rásimderin ótkizdik. Sondyqtan da qoımalarda dári-dármekter boldy», - dedi ol.
