«Aǵylyp kelgen balyqtardyń ishinde iri aqtaban jáne jetilgen torta balyqtary anyqtaldy. Laboratorııalyq zertteýler úshin birneshe jerden sýdyń synamasy alyndy.
Ekspress-taldaý ádisi arqyly sýdaǵy otteginiń konsentrasııasy anyqtaldy: Jaıyq ózeninde 9,7 mg/l, Jaıyq ózeni men Prımorskıı kanalynyń toǵysatyn jerinde 3,5 mg/l jáne Prımorskıı kanalynyń ortasynda 1,5 mg/l.
Jaıyq ózenine aǵyp kelgen óli balyqtyń kóbisi qaıta tirilip, sýda júzip ketti. О́lgen balyqtar jınalyp, qazirgi tańda kólemi anyqtalýda.
О́lgen balyqtardyń synamalary alynyp, balyqtardyń qyrylýyn anyqtaý úshin veterınarlyq ınspeksııaǵa zertteýge joldandy. Qyrylǵan balyqtar anyqtalǵan jerde aqtaban jáne torta balyqtarynyń birneshe danasy alynyp, ishek-qurylysy zertteldi. Zertteý nátıjesi kórsetkendeı, torta balyǵynyń kóbisi ýyldyryq shashý kezeńinen keıin, al aqtaban balyqtary jynystyq jetilýdiń 4 satysynda bolyp shyqty» dep habarlady osyǵan oraı Orman sharýashylyǵy jáne janýarlar dúnıesi komıtetiniń baspasóz hatshysy Saken Dıldahmet.
Onyń málimetinshe, balyqtardyń qyrylý sebebi laboratorııalyq zertteýlerdiń qorytyndysynan keıin belgili bolady.
Jumasat ǴAZIZ
