Buǵan deıin, ıaǵnı 2017 jyldyń qańtar aıynan bastap oblystyq klınıkalyq aýrýhananyń bas dárigeri qyzmetin atqaryp kelgen Marat Pashımov eńbek jolyn 2003 jyly Ońtústik Qazaqstan oblysy kardıologııalyq ortalyqta medaǵa bolyp bastaǵan. Medısına ǵylymdarynyń kandıdaty.2005 – 2015 jyldary aralyǵynda oblystyq klınıkalyq aýrýhanasynda dáriger-anestezıolog, reanımasııa bóliminiń meńgerýshisi, telemedısına meńgerýshisi, bas dárigerdiń uıymdastyrý-ádistemelik jáne TJ jónindegi orynbasary laýazymdaryn atqarǵan.
Sondaı-aq 2015 - 2017 jyldary №3 Shymkent qalalyq emhanasynyń bas dárigeri bolyp qyzmet etken 39 jastaǵy bilikti maman sońǵy jyldary klınıkalyq aýrýhana jumysyn jaqsy jolǵa qoıyp, izdenimpazdyǵymen jáne jańashyldyǵymen tanylǵan bolatyn. Bedeldi basshy, bilikti dáriger, búgingideı jaýapty sátte óńirdiń densaýlyq salasyn basqarý múmkindigine ıe bolǵan Marat Pashımovqa óńir halqy úlken senim artyp otyr.
Al Túrkistan oblysy Qoǵamdyq densaýlyq basqarmasyn osy kúnge deıin basqaryp kelgen Muqan Egizbaev, jeke sebepterge baılanysty, óz erkimen qyzmetinen ketti.
