Ekonomıka jáne bıýdjettik josparlaý mınıstri Erbolat Dosaev jyljymaıtyn múlikke salynatyn salyqty arttyrý jaǵdaıǵa para-par jáne der kezindegi shara dep esepteıdi. «Bul búgingi ahýalǵa jaýap beretin naǵyz para-par shara» dep atap kórsetti mınıstr. Bul týraly osy mınıstrliktiń baspasóz qyzmeti habar taratty.
Ekonomıka jáne bıýdjettik josparlaý mınıstri Erbolat Dosaev jyljymaıtyn múlikke salynatyn salyqty arttyrý jaǵdaıǵa para-par jáne der kezindegi shara dep esepteıdi. «Bul búgingi ahýalǵa jaýap beretin naǵyz para-par shara» dep atap kórsetti mınıstr. Bul týraly osy mınıstrliktiń baspasóz qyzmeti habar taratty.
О́z sózinde E.Dosaev Astana qalasynyń eki aýmaǵynda ornalasqan kólemi 45 sharshy metr eki páterdi mysalǵa keltiredi. «Olardyń bireýi Respýblıka dańǵylyndaǵy eski kóp qabatty úıde ornalassa, ekinshisi Orynbor kóshesindegi jańadan salynǵan ǵımaratta qonys tepken. Bul páterlerdiń baǵasynyń ártúrli bolýy zańdy qubylys. Tipti, jyljymaıtyn múlikti tirkeıtin ortalyqtyń belgilegen baǵasy boıynsha da Orynbor kóshesinde ornalasqan páter ekinshisine qaraǵanda jarty mıllıon teńgege qymbat baǵalanady. Al rynoktyq baǵa boıynsha páterler qunynyń aıyrmashylyǵy budan da joǵary. Soǵan qaramastan, bul eki páterge tólenetin salyqtardyń aıyrmasy bolmashy ǵana. Máselen, Respýblıka dańǵylyndaǵy páter ıesi 2237 teńge salyq tólese, Orynbor kóshesindegi páter ıesi 2918 teńge salyq tóleıdi.
Alaıda, páterlerdiń rynoktyq baǵasy boıynsha qunyndaǵy aıyrmashylyq jer men kókteı emes pe!», deıdi mınıstr.
Osyǵan baılanysty Ekonomıka jáne bıýdjettik josparlaý mınıstri jaǵdaıdy ózgertýdi usynady. «Biz bazalyq baǵany Astana jáne Almaty qalalary úshin qazirgi 30 myń teńgeden 60 myń teńgege deıin arttyramyz. Iаǵnı, basqasha aıtqanda, eń joǵarǵy bazalyq baǵa – árbir sharshy metrge 400 dollar bolady. Al aýdandyq mańyzdaǵy qalalardyń, kentterdiń jáne selolardyń salyq deńgeıin burynǵy mólsherde qaldyramyz. Aldaǵy ýaqytta osy baǵalaý mólsherine sáıkes, salyq somasy belgilenetin bolady», dedi Dosaev. Osy rette ol salyqtyń esepteý stavkalarynyń ózgermeıtindigin málimdedi. «Olar burynǵysynsha, 0, 0,5 paıyzdan (bul baǵalaý quny 1 mıllıon teńgege deıingi páterler) 1 paıyzǵa (baǵalaý quny 120 mıllıon teńgeden joǵary páterler úshin) deıin bolady.
Mınıstr atap kórsetkendeı, máslıhattyń sheshimimen belgilenetin turǵyn úılerdiń ornalasý aımaǵyna baılanysty koeffısıentteri de bolady. «Iаǵnı neǵurlym páterler elıtalyq aımaqtarda ornalasatyn bolsa, soǵurlym olardyń quny da joǵary bolady. Bul rette múlikke salynatyn salyqtyń jergilikti bıýdjetke túsetindigin umytpaýymyz kerek. Basqasha aıtqanda, qalanyń qolaıly jańa aýdandarynda qonystanǵan páter ıeleri qalanyń shet aımaqtaryndaǵy eski úılerdegi páterlerde turatyndardan kóp salyq tóleıtin bolady. Sonymen birge, ardagerler, tyl eńbekkerleri, kóp balaly analar úshin jeńildikter, sonymen birge turǵyndardyń az qamtamasyz etilgen toptary úshin birqatar jeńildikter saqtalatyn bolady», dep atap kórsetti mınıstr.
Sonymen birge, Erbolat Dosaev salyq salý júıesindegi taǵy bir jańalyqty – jyljymaıtyn múliktiń kólemine baılanysty salyqty ósirý jaıyn da tilge tıek etti. «О́te qymbat páterler (kólemi 150 sharshy metrden asatyn páterler jáne jalpy kólemi 300 sharshy metrden asatyn jeke menshik úıler) salyq tóleýshiler úshin qymbatqa túsetin bolady. Biz osyndaı sanattaǵy turǵyn úılerge tólenetin salyq stavkasyn úsh koeffısıentten joǵary esepteýdi usynamyz. Mundaı turǵyn úıler bizde kóp emes. Qazir elimizde jalpy 2,14 mıllıon páter bolsa, onyń ishinde 10,1 myńynyń ǵana kólemi 150 sharshy metrden asady. Jeke turǵyn úıler 2,6 mıllıon bolsa, onyń ishinde 300 sharshy metrden asatyny 34 myń turǵyn úı», dep qorytyndylady óz sózin Erbolat Dosaev.
Jylqybaı JAǴYPARULY,
«Egemen Qazaqstan».
