Aımaqtar • 22 Sáýir, 2020

Nur-Sultanda azyq-túlik baǵasyn negizsiz kótergen kásipkerler jazalandy

13 ret kórsetildi

Elordada áleýmettik mańyzy bar azyq-túlikke baǵany negizsiz kótergeni úshin «Interfood», «VkýsMart», «Vstrecha» sýpermarketteriniń basshylary ákimshilik jaýapkershilikke tartyldy. Aıyppul kólemi 100 AEK (265 myń 100 teńge) quraıdy. Áleýmettik mańyzy bar azyq-túlik baǵasynyń negizsiz ósýine jol bermeý jáne sanıtarlyq normalardy saqtaý boıynsha ákimdiktiń mobıldik toptary, prokýratýra men monopolııaǵa qarsy organdardyń qyzmetkerleri birlesip reıdter júrgizip jatyr.

Nur-Sultan qalasynyń ákimdigi áleýmettik mańyzy bar azyq-túlik baǵasynyń negizsiz ósýine jol bermeý, qaladaǵy karantın jáne tótenshe jaǵdaı rejımi kezinde sanıtarlyq normalardy saqtaý boıynsha sharalar keshenin qabyldady. «Aınalym shemasy» jobasyna «Magnum», «Astyqjan», «Kenmart», «Small», «Shapaǵat», «Evrazııa», «Artem», «Bıg Shanhaı» sııaqty saýda oryndary qatysady.

Elde mynadaı taýarlarǵa shekti baǵalar belgilendi: birinshi sortty bıdaı uny, birinshi sortty unnan jasalǵan bıdaı nany (pishindi), rojkı (ólshenip salynatyn), qaraqumyq jarmasy (dán, ólshenip salynatyn), tazartylǵan kúrish (domalaq dándi, ólshenip salynatyn), sıyr eti (súıekti jaýyryn-tós bóligi), taýyq jumyrtqasy (I sanatty), kúnbaǵys maıy, as tuzy («ekstra»-dan basqa).

Sýpermarketterde, dúkenderde arnaıy belgiler ornatyldy, satyp alýshylar arasyndaǵy araqashyqtyq 1 metr bolýy qajet. Mindetti túrde kezek saqtalýy kerek. Sanıtaızerler ornatyldy. Barlyq azyq - túlik nysandary sanıtarlyq normalardy qatań saqtaýǵa mindetti. Tártipbuzýshylyq faktileri anyqtalǵan jaǵdaıda aıyppul salynyp, nysan jumysyn toqtatady.

Sońǵy jańalyqtar

Qyzylordada 19 toı toqtatyldy

Aımaqtar • Keshe

Aq besikte terbetken

Rýhanııat • Keshe

Qazaqstanda dollar arzandady

Qazaqstan • Keshe

El múddesi – erge syn

Rýhanııat • Keshe

Uqsas jańalyqtar