Qoǵam • 22 Sáýir, 2020

Zeınetaqy aktıvteri jyl basynan beri 881 mlrd teńgege artty

27 ret kórsetildi

2020 jyldyń 1 sáýirindegi jaǵdaı boıynsha Biryńǵaı jınaqtaýshy zeınetaqy qorynyń aktıvteri jyl basynan beri 881 mlrd teńgege artyp, 11 679,12 mlrd teńgege jetti. Bul týraly BJZQ baspasóz qyzmeti habarlady.

BJZQ zeınetaqy aktıvterin basqarýdy Ulttyq Bank júzege asyrǵan 2013 jyldyń qyrkúıeginen bastap osy kúnge deıingi kezeńde azamattardyń zeınetaqy jınaqtary qurylymyndaǵy ınvestısııalyq kiris shamamen 30% nemese 3,9 trln teńgeni qurady.

BJZQ salymshylary (alýshylary) úshin sońǵy 12 aıdaǵy (2019 jyldyń sáýirinen 2020 jyldyń naýryzyna deıin) zeınetaqy aktıvteriniń tabystylyǵy 6,4% mólsherindegi ınflıasııa kezinde 11,87% qurady. Iаǵnı sońǵy 12 aıda BJZQ-nyń zeınetaqy aktıvteri boıynsha naqty tabystylyǵy oń bolyp, 5,5% -dy kórsetti.

Investısııalyq qyzmet nátıjesinde, sondaı-aq shetel valıýtalary baǵamdarynyń qubylmalylyǵy jáne qarjy quraldarynyń naryqtyq qunynyń ózgerýi saldarynan eseptelgen ınvestısııalyq kiris mólsheri 2020 jyldyń basynan bastap 667,73 mlrd teńgeni qurady.

Eseptelgen ınvestısııalyq kiris qurylymy mynadaı:

- baǵaly qaǵazdar boıynsha, onyń ishinde «Keri REPO» ornalastyrylǵan salymdar men operasııalary boıynsha syıaqy túrindegi kirister 183,19 mlrd teńge;

- baǵaly qaǵazdardy naryqtyq qaıta baǵalaýdan túsken kirister (shyǵystar) (18,49) mlrd teńge;

- shetel valıýtasyn qaıta baǵalaýdan túsken kirister (shyǵystar) 523,19 mlrd teńge;

- ózge aktıvterdi qaıta baǵalaýdan túsken kirister (TQQ) (80,07) mlrd teńge;

- syrtqy basqarýdaǵy aktıvter boıynsha kirister (shyǵystar) 59,78 mlrd teńge;

- ózge kirister 0,13 mlrd teńgeni qurady.

BJZQ zeınetaqy aktıvteri esebinen satyp alynǵan qarjy quraldary nomınaldanǵan valıýta bólinisindegi qarjy quraldarynyń ınvestısııalyq portfeli bylaısha berilgen:

ulttyq valıýtadaǵy ınvestısııalar – 63,99%, AQSh dollarynda – 32,08 %, basqa valıýtalarda – zeınetaqy aktıvteri portfeliniń 3,93%.

Naýryz aıynda AQSh dollarynyń teńgege qatysty baǵamy 1 AQSh dollary úshin 381-den 448 teńgege deıin nyǵaıǵany baıqaldy. Sáıkesinshe, valıýtalyq quraldarǵa ınvestısııalanǵan zeınetaqy aktıvterin jaǵymdy valıýtalyq qaıta baǵalaý zeınetaqy aktıvteriniń ósýin qamtamasyz etti.

BJZQ-nyń zeınetaqy aktıvteri portfelindegi eń úlken úlesti (36,73%) ınvestısııalaýdyń turaqty jáne kiristi quraly retinde Qazaqstan Respýblıkasynyń memlekettik baǵaly qaǵazdary alady. Zeınetaqy aktıvteri portfelindegi MBQ-nyń aǵymdaǵy quny jyl basynan beri 9,30% - ǵa ulǵaıyp, 4 289,30 mlrd teńgeni qurady. Esepti kúnge QR MBQ boıynsha teńgemen nomınaldanyp, óteýge alynǵan ortasha kiristilik jylyna 8% , AQSh dollarymen – jylyna 4,4% kórsetti.

Qazaqstan Respýblıkasynyń kvazımemlekettik uıymdarynyń oblıgasııalary 2020 jyldyń 1 sáýirine zeınetaqy aktıvteriniń ınvestısııalyq portfeliniń 14,86% qurady. Bul quraldardyń aǵymdaǵy quny 1 735,38 mlrd teńge. Esepti kúnge QR kvazımemlekettik uıymdarynyń teńgemen nomınaldanǵan oblıgasııalary boıynsha óteýge alynǵan ortasha kiristilik jylyna – 10,5%, AQSh dollarymen jylyna – 5,0%.

Ekinshi deńgeıdegi qazaqstandyq bankterdiń qarjy quraldary bylaısha berilgen: portfeldiń 10,13% - y ortasha alynǵan kiristiligi jylyna ulttyq valıýtada 10,0% , AQSh dollarynda 6,4% quraıtyn oblıgasııalarǵa ornalastyrylǵan; ortasha alynǵan kiristiligi teńgemen jylyna 9,1% quraıtyn depozıtterdiń úlesi 2,15%.

Senimgerlik basqarýdaǵy BJZQ zeınetaqy aktıvteriniń portfelin qurylymdyq bólý BJZQ Investısııalyq deklarasııasynyń talaptaryna sáıkes keledi. Zeınetaqy jınaqtarynyń ınvestısııalaryn túrli valıýtalardaǵy senimdi qarjy quraldaryna ártaraptandyrý valıýtalyq jáne naryqtyq qaıta baǵalaý táýekelderinen qorǵaýdy qamtamasyz etedi. Bul rette zeınetaqy aktıvterin ınvestısııalaý uzaq ýaqyt aralyǵynda (bir jyldan jáne odan kóp) júzege asyrylatyndyqtan, olardyń kiristiligi de uzaq merzimdi perspektıvada baǵalanýy kerek.

Sońǵy jańalyqtar

Qyzylordada 19 toı toqtatyldy

Aımaqtar • Keshe

Aq besikte terbetken

Rýhanııat • Keshe

Qazaqstanda dollar arzandady

Qazaqstan • Keshe

El múddesi – erge syn

Rýhanııat • Keshe

Uqsas jańalyqtar