Májilis Tóraǵasy Nurlan Nyǵmatýlın Qazaqstandaǵy ókilettigin aıaqtaǵaly otyrǵan Amerıka Qurama Shtattarynyń Tótenshe jáne ókiletti elshisi Kennet Feırfaksti qabyldady, dep habarlady osy palatanyń baspasóz qyzmeti.
Májilis Tóraǵasy Nurlan Nyǵmatýlın Qazaqstandaǵy ókilettigin aıaqtaǵaly otyrǵan Amerıka Qurama Shtattarynyń Tótenshe jáne ókiletti elshisi Kennet Feırfaksti qabyldady, dep habarlady osy palatanyń baspasóz qyzmeti.
Májilis Tóraǵasy dıplomatqa Qazaqstan men Amerıka arasyndaǵy eki jaqty qarym-qatynasty nyǵaıtý jolyndaǵy tabysty jumysy úshin óz alǵysyn bildirdi.
Taraptar qos eldiń túrli saladaǵy, ásirese, aımaqtyq qaýipsizdik, Aýǵanstanǵa qoldaý kórsetý, ıadrolyq qarýsyzdaný máselelerindegi yntymaqtastyǵyn aıryqsha atap ótti.
Nurlan Nyǵmatýlın men Kennet Feırfaks Qazaqstan-Amerıka parlamentaralyq áriptestiginiń damý deńgeıin de joǵary baǵalady.
Áńgime barysynda Májilis Tóraǵasy depýtattyq korpýstyń barlyq kúsh-jigeri Qazaqstan Prezıdenti Nursultan Nazarbaevtyń «Qazaqstan - 2050» Strategııasynda júktelgen mindetterdi oryndaýǵa baǵyttalǵanyn sóz etti.
Kennet Feırfaks dittegen maqsatqa jetý Qazaqstannyń odan ári kórkeıýin qamtamasyz etetinin tilge tıek ete kelip, qazaqstandyq depýtattardyń jumysyna tabys tiledi.
– Meniń Qazaqstandaǵy AQSh elshisi retindegi jumysym aıaqtalǵanymen, men sizderdiń elderińizde bolyp jatqan ózgeristerdi yqylaspen qadaǵalap otyratyn bolamyn, – dedi dıplomat. О́z kezeginde Nurlan Nyǵmatýlın Kennet Feırfakstiń Halyqaralyq energetıkalyq agenttiktegi qyzmeti ózara qarym-qatynastyń, sonyń ishinde, EKSPO-2017 halyqaralyq kórmesi aıasynda odan ári damı túsetinine senim bildirdi.
