Parlament • 22 Sáýir, 2020

Senatta elimizdiń Úkimeti men Azııa Damý Banki arasyndaǵy kelisim qaraldy

20 ret kórsetildi

Senatta Olga Perepechınanyń tóraǵalyq etýimen Qarjy jáne bıýdjet komıtetiniń keńeıtilgen otyrysy boldy. Onda «Áriptestik týraly negizdemelik kelisimdi (2014 jylǵy 4 mamyrdaǵy Qazaqstan Respýblıkasynyń Úkimeti men Azııa Damý Banki arasyndaǵy Qazaqstan Respýblıkasyn ekonomıkalyq ártaraptandyrý jáne onyń ornyqty damýyna, jalpy ósýine járdemdesý maqsatynda yntymaqtastyqty kúsheıtý jónindegi áriptestik týraly negizdemelik kelisimge túzetýler men tolyqtyrýlar) ratıfıkasııalaý týraly» zań jobasy qaraldy. Bul týraly Senattyń baspasóz qyzmeti habarlady.

Otyrysta baıandama jasaǵan ulttyq ekonomıka mınıstriniń orynbasary Jaslan Mádıev Kelisimde memlekettik kepildikpen qaryz alý kezinde Azııa Damý Bankiniń saıasaty men erejelerin qoldaný jóninde erejeler belgilengenin atap ótti. «Onda taýarlar, jumystar men qyzmetterdi satyp alýdaǵy sybaılas jemqorlyqqa qarsy saıasat jáne ekologııalyq jáne áleýmettik qorǵaý sharalary, negizgi eńbek standarttary, tólemder, aqparattardy ashý, genderlik damýdaǵy erejeler bar», - dedi ol.

Onyń aıtýynsha, memlekettik kepildikpen berilgen qaryz sharttaryn taratý jobalardy qarjylandyrý quraldaryn keńeıtýge múmkindik beredi.

Senat depýtaty Nurlan Qylyshbaev qaralyp otyrǵan Kelisim ekonomıkany damytýǵa baǵyttalǵanyn jáne Qazaqstan Respýblıkasy Úkimeti men Azııa Damý Bankiniń arasyndaǵy áriptestikti nyǵaıtýǵa jasalǵan taǵy bir qadam ekenin atap ótti.

«Elimizdiń ekonomıkalyq damýyna Azııa Damý Bankiniń qyzmeti jumys oryndaryn qurý, ınnovasııalardy yntalandyrý, áleýetti ulǵaıtý, bilim men úzdik halyqaralyq praktıkalardy engizý negizinde keń aýqymdy qoldaý kórsetý arqyly óz úlesin qosýda. Azııa Damý Banki qaryzdan bólek, «Nurly jol», «Bıznestiń jol kartasy», «Sıfrlik Qazaqstan», agroónerkásipti damytý memlekettik baǵdarlamalary boıynsha tehnıkalyq kómek kórsetedi», - dedi N.Qylyshbaev.

Zań jobasyn qabyldaý jobalardy qarjylandyrý quraldaryn keńeıtýge jáne aýyl sharýashylyǵy, kólik jáne ekonomıkanyń basqa da sektorlarynda memlekettik qaryzdar jáne memlekettik kepildikpen qaryzdar túrinde ınvestısııalar tartýdyń qosymsha múmkindikterin berý jolymen ınvestısııalyq jobalardy iske asyrýǵa ADB-nyń salymyn ulǵaıtýǵa múmkindik beredi.

Zań jobasy Palata qaraýyna jiberildi.

Sońǵy jańalyqtar

Qyzylordada 19 toı toqtatyldy

Aımaqtar • Keshe

Aq besikte terbetken

Rýhanııat • Keshe

Qazaqstanda dollar arzandady

Qazaqstan • Keshe

El múddesi – erge syn

Rýhanııat • Keshe

Uqsas jańalyqtar