Abaı • 22 Sáýir, 2020

О́zbek etnomádenı ortalyǵynyń ókilderi Abaıdyń «Kózimniń qarasy» ánin oryndady

42 ret kórsetildi

Nur-Sultan qalalyq Qazaqstan halqy Assambleıasynyń hatshylyǵy Qazaqstan halqynyń birligi kúnine oraı, Abaı Qunanbaevtyń shyǵarmashylyq murasyn nasıhattaý jáne tanytý maqsatynda aksııa bastady. Bul týraly elorda ákimdiginiń baspasóz qyzmeti habarlady.

Atalǵan sharalar qazaqtyń uly oıshylynyń 175 jyldyǵyn toılaý aıasynda #Abaı175, #1MAMYR #Birlikkuni, #BizBirgemiz heshtegteri boıynsha ótedi. Bul chellendjge Nur-Sultan qalasyndaǵy ózbek etnomádenı ortalyǵynyń ókilderi alǵash bolyp qoldaý bildirdi. Olar Abaıdyń «Kózimniń qarasy» ánin  qazaq tilinde ózbek ulttyq mýzykalyq aspaby rýbobtyń súıemeldeýimen oryndady.

О́zbek mádenı birlestiginiń ókili Nýrıddın Moldabaevtyń aıtýynsha, qashǵar rýboby eń tanymal aspaptardyń biri sanalady. Jyl saıyn elordada Qazaqstan halqynyń birligi kúnine oraı túrli konsertter, aýqymdy aksııalar men merekelik sharalar ótedi. Alaıda bıyl Nur-Sultan qalasynda koronavırýs ınfeksııasy saldarynan karantın jarııalanǵandyqtan, merekelik sharalardyń formatyn ózgertý týraly sheshim qabyldandy.

Is-sharalardy onlaın rejımde ótkizýge erekshe nazar aýdarylyp otyr.

«Búginde elordada 130-dan astam ózge ult ókilderi turady. Qalada 23 etnomádenı birlestik jemisti jumys jasap keledi. Búginde 12 jeksenbilik mektep jumys isteıdi jáne olardyń sany jyl saıyn artýda. Elordalyq etnomádenı birlestikter jańa shyǵarmashylyq bastamalarmen jáne túrli is-sharalarmen erekshelenedi. Qazaqstan halqynyń birligi kúni qarsańynda biz ártúrli etnostardyń ulttyq mýzykalyq aspaptaryn nasıhattaý aksııasyn ótkizdik. Karantınde mýzyka arqyly elimizdegi ultaralyq kelisim men beıbitshilikti nyǵaıtý úshin barlyq etnostardyń shyǵarmashylyǵyn jetkizgimiz keledi», – dedi Nur-Sultan qalalyq Qazaqstan halqy Assambleıasy hatshylyǵynyń meńgerýshisi Lázzat Qusaıynova.

QHA qalalyq hatshylyǵy elorda turǵyndaryn aksııaǵa belsendi qatysyp, ár halyqtyń mýzykalyq aspaptaryn bilip, tarıhymen tanysýǵa jáne Abaıdyń ánin birlese oryndaýǵa shaqyrady.

Sondaı-aq Qazaqstan Respýblıkasynyń Tuńǵysh Prezıdenti, Qazaqstan halqy Assambleıasynyń Tóraǵasy N.Á. Nazarbaevtyń tóraǵalyǵymen elimizde Qazaqstan halqy Assambleıasynyń 25 jyldyǵyna arnalǵan sharalar ótýde.


Sońǵy jańalyqtar

Qyzylordada 19 toı toqtatyldy

Aımaqtar • Keshe

Aq besikte terbetken

Rýhanııat • Keshe

Qazaqstanda dollar arzandady

Qazaqstan • Keshe

El múddesi – erge syn

Rýhanııat • Keshe

Uqsas jańalyqtar