Osydan bir-eki jyl buryn «Qazaqstannyń úzdik taýary» baıqaýynda top jaryp, óndiristik maqsattaǵy eń úzdik taýar óndirýshi degen ataqqa ıe bolǵan kásiporyn búginde mıkrob joıǵysh sabyndar men terini jáne medısınalyq qural-jabdyqtardy zararsyzdandyratyn hımııalyq ónim túrlerin kóptep shyǵara bastady.
– Qazir dezınfeksııalyq ónim shyǵaratyn kásiporyndardyń kóbeıip ketkeni ras. Olar shyǵaratyn ónimderdiń paıdalanylý aıasy, ataýy shamalas bolǵanymen quramy, sapasy, qospalary ártúrli. Máselen, dárigerler qoldaryn táýligine keminde 30-40 ret zararsyzdandyrady delik. Oılap qarańyzshy, eger taýar sapasyz bolsa, qol qandaı kúıge túser edi? Sol sebepti biz sapaly shıkizat qoldanamyz. Árıne bizdiń ónimdi aıtarlyqtaı arzan dep aıta almaımyn. Tutynýshylarmyzdy baǵa emes, sapa qyzyqtyrady, – deıdi seriktestik dırektory Álııa Qaıraqbaeva.
Kásiporyn ónimderi ótken jyldan beri Qyrǵyz elinde saýdalanyp keledi. Bıyl Reseıge de eksporttala bastady. Kompanııa negizinen densaýlyq saqtaý uıymdary men tamaq ónerkásibi salasynyń suranysyn óteıdi. Sońǵy kezderi eldegi ahýalǵa baılanysty qonaqúı, sulýlyq salondary men saýda oryndary, tótenshe jaǵdaıda jumys istep jatqan ózge de mekemelerden kóp suranys túse bastaǵan. Osydan keıin kásiporyn óndiris kólemin eki ese arttyryp, qosymsha jumys oryndaryn ashty. Reseptýrasy erekshe bolǵandyqtan kompanııanyń keıbir ónimin, tipti TMD aýmaǵynan izdep taba almaısyz.
– «Talpynǵannyń toqpaǵy tasqa da qazyq kirgizer» degen – osy. Tabandy izdenis pen tynymsyz eńbek arqyly talaı bıikti baǵyndyrdyq. Eń bastysy, halqymyz bul indetten aman-esen shyqsyn dep tileıik!, – dedi kásiporyn basshysy.
Qostanaı oblysy
