Jumysyn qaıta bastaǵan kásiporyndar qatary kóbeıip keledi

Prezıdent Q.Toqaevtyń tap­syrmasyn júzege asyrý aıasynda memlekettik ko­mıs­sııa 20 sáýirden bastap qa­tań sanıtarlyq-epıdemııalyq sharalardy saqtaı otyryp, Nur-Sultan jáne Al­maty qalalarynda jumy­syn qaıta bastaıtyn kásip­ker­lik sýbektileriniń qyz­met túrleriniń tizimin bekit­ken bolatyn. Osylaısha, Nur-Sultan men Almaty qala­larynda karantındik rejim jeńildetilip, sanı­tar­lyq normalardy qatań saqtaı otyryp, ekonomıkanyń bir­qa­tar salasyndaǵy kásip­oryn­dar jumysyn bastap ketti.

Epıdemııalyq jaǵ­daı^­dy eskere otyryp, ka­rantın­dik rejimge ózgerister engi­zý jáne birtindep je­ńil­de­tý boıynsha tıisti she­shim qabyldanatyn boldy. Pre­mer-Mınıstr Asqar Mamın epıdemııalyq jaǵ­daı­dy eskere otyryp, basqa da kásiporyndar men bıznes sýbek­tilerine jumysty jal­ǵas­­tyrýǵa ruqsat berile­tinin aıtty. 

– Mundaı jumys el­diń bas­qa óńirlerinde de júr­giziledi. Degenmen, bul sanı­tarlyq-epıdemııalyq qaýip­siz­dik qatań saqtalǵan jaǵ­daı­da ǵana múmkin bolady, – degen Úkimet jetekshisi Den­­­saý­lyq saqtaý mınıstri El­­jan Bir­tanovqa máseleni qa­tań ba­qy­laýda ustaýdy tap­syrdy.

Osyǵan baılanysty Al­ma­ty qalasynyń ákimi Baqyt­jan Saǵyntaev Isker­lik keńesiniń otyrysyn on­laın rejimde ótkizip, onda karantın jaǵdaıynda kásip­oryndardyń qyzmetin qaıta bastaý máselelerin talqylap, kásipkerlermen aqyldasty. Onda Exit Strategy aıasynda júzege asyrylatyn qalanyń ekonomıkalyq belsendiligin qalpyna keltirýdiń kezeń-kezeńimen júzege asyrylatyn jospary talqylandy. Sonymen qatar Almatyda orna­lasqan otandyq taýar ón­dirýshilerdiń jeke qorǵa­ný quraldaryn, onyń ishin­de medısınalyq betper­deler men qorǵanysh kostıýmderin daıyndaýǵa qatysý máse­le­leri kóterildi.