Jaqynda Tekeli qalasynyń ákimdiginen eriktiler kelip, úıimizge azyq-túlik, basqa da tutynýǵa qajetti zattar, medısınalyq kerek-jaraq jetkizip berdi. Shyn qýandyq. Elep, eskerip qolushyn bergen azamattarǵa alǵysymyz sheksiz. Otbasymyzda 5 bala ósirip otyrmyz. О́zim ataýly áleýmettik kómek alamyn. Qosymsha kásibimizdiń toqtaýyna baılanysty kiris kózi de qysqarǵan edi. Memleket taǵy da qıyndyqta qaldyrmaı arnaıy taǵaıyndaǵan 42 500 teńge ótemaqy berdi.
Bárinen buryn ákimdik bergen «Balalarǵa tartý» atty áleýmettik paket otbasyndaǵy kishkentaılar úshin laıyqty syı boldy. Muny uıymdastyrǵan demeýshilerge, kóp balaly analarǵa barlyq jaǵynan kómek berip, qarjylaı da, azyq-túlik túrimen de qoldap otyrǵan memleket tizginin ustaǵan jandarǵa analyq alǵysymdy arnaımyn. Qıyn kúnder artta qalyp, elimiz berekeli de beıbit ómirge qadam bassyn.
Ásel ERDENBEKOVA,
kóp balaly ana
Almaty oblysy,
Tekeli qalasy
