Logıstıkalyq qyzmetti álemdik standarttarǵa saı etý eldegi basty mindetterdiń birine aınalǵany málim. О́ıtkeni, dúnıeniń tórt tarabyna tranzıttik dáliz qyzmetin kórsetýdi kózdep otyrǵan Qazaqstan logıstıka salasyn jetildirmeı, túpki maqsatyna jetýi neǵaıbyl.
Logıstıkalyq qyzmetti álemdik standarttarǵa saı etý eldegi basty mindetterdiń birine aınalǵany málim. О́ıtkeni, dúnıeniń tórt tarabyna tranzıttik dáliz qyzmetin kórsetýdi kózdep otyrǵan Qazaqstan logıstıka salasyn jetildirmeı, túpki maqsatyna jetýi neǵaıbyl.
Taıaýda «KAZLOGISTICS» kólik odaǵy Pavlodarda «Ertis ózenindegi ózen kóligimen ishki sýlar arqyly tranzıttik júk aınalymyn ulǵaıtý bolashaǵy týraly» dóńgelek ústel ótkizdi. Onda Kólik jáne kommýnıkasııalar mınıstrligi men «KAZLOGISTICS» kólik odaǵynyń kólik logıstıkasyn damytýdyń 2013-2014 jyldarǵa arnalǵan birlesken jospary qaraldy.
Dóńgelek ústel otyrysyna Kólik jáne kommýnıkasııalar mınıstrligi, Pavlodar jáne Shyǵys Qazaqstan oblystarynyń ákimdigi, «Atameken» odaǵy» ulttyq ekonomıkalyq palatasy, bıznes qurylymdar, sondaı-aq atalǵan eki oblystyń respýblıkalyq jáne memlekettik qurylymdarynyń ókilderi qatysty. Otyrysta Pavlodar oblysy ákiminiń orynbasary N.Áshimbetov qatysýshylardyń nazaryn Ertis ózeninde keme júrgizý máselesine aýdardy. Ol Kólik jáne kommýnıkasııalar jáne Qorshaǵan ortany qorǵaý mınıstrlikterinen Ertis ózeniniń tabanyn tazalap, tereńdetý jumystaryn Pavlodar oblysyndaǵy sý resýrstaryn damytý jobasy josparyna oraı Pavlodar ózen porty aýmaǵynyń kóliktik-logıstıkalyq qurylysy qataryna qosýdy surady.
Sóıtip, dóńgelek ústelge qatysýshylar Ertis ózeninde keme júrgizý problemasyn talqylady. Sebebi, sáýir men qarasha aılaryna deıin Qazaqstan aýmaǵynda Pavlodar telimimen Reseı shekarasyna deıin myń tonna ǵana júk kóteretin sý kólikteri ózenmen júre alady. Al, reseılik kólikterdiń júk kóterý mólsheri 2000-3000 tonnany quraıdy. Sondyqtan, Ertistiń bizdegi bóliginde kerekti tereńdikti qamtamasyz ete almaǵandyqtan reseılik kemeler qazaqstandyq sý joldaryna tek kóktemgi sý kóterilgen kezde ǵana kire alady eken. Negizi, ózen flotyn tıimdi paıdalana bilsek, bolashaqta sý kóligi boıynsha júk aınalymyn eselep arttyrýǵa múmkindik bar. Máselen, Qytaı-Qazaqstan-Reseı tranzıttik tasymaldaýda Ertis arqyly Pavlodardan Ombyǵa, odan ári qaraı Ob ózeniniń ishki jaǵyna deıin 10 mıllıon tonna júk tasymaldaýǵa bolady – deıdi mamandar. «Pavlodar ózen porty» AQ dırektorlar keńesiniń tóraǵasy K.Syzdyqov Ertis ózenimen tasymaldaýǵa bolatyn júkter týraly áńgimeledi. Tóraǵanyń aıtýyna qaraǵanda, Omby men Túmen oblystarynyń Ertis ózeni arqyly jetkiziletin qıyrshyq tasqa suranysy búgingi tańda jylyna bes mıllıon tonnaǵa deıin barady eken. Al, Ombynyń kómirge suranysy jylyna 4 mıllıon tonnaǵa jetken kórinedi. Oǵan qosa, Qytaı men Túmen oblysynyń konteınerlik júk aınalymy byltyr 4,5 mln. tonna bolypty.
Qazirgi tańda Omby aýmaǵyndaǵy orman qorynyń kólemi 400 mln. al, Túmen oblysynda 924 mln. tekshe metr shamasynda eken. Bul iri sandardy kórsetip otyrǵan sebebimiz, birqatar orman aǵashtaryn daıyndaýshylardyń aıtýyna qaraǵanda, ony tasymaldaýdyń birden-bir tıimdi joly ózen kóligi kórinedi. Sebebi, ol aımaqtar batpaqty, avtokólik ınfraqurylymy damymaǵan. Sondaı-aq, bizdiń el ózen arqyly munaı ónimderin, temir-beton buıymdaryn, qubyrlardy, azyq-túlik jáne tehnıkalyq tuzdardy tasymaldaı alar edi. Osy múmkindikterdiń tıimdiligin saralaǵan dóńgelek ústel otyrysyna qatysýshylar Kólik jáne kommýnıkasııalar mınıstrliginiń atyna arnaıy úndeý qabyldady. Onda Qazaqstan Respýblıkasynyń kólik júıesi ınfraqurylymyn damytýdyń 2020 jyldarǵa deıingi memlekettik baǵdarlamasy jobasyna Ertis ózeniniń tabanyn tereńdetip, ózendi tazartý jumystaryn qosyp, qazaqstandyq bóligindegi problemalardy sheshý joldaryn usyndy. Munymen birge, mınıstrlikke Ertis ózeniniń reseılik jaǵynyń tabanyn tereńdetý jumystaryn atqarýǵa kórshi eldiń tıisti mekemelerin tartý suraldy. Buǵan deıin aǵymdaǵy jyldyń sáýir aıynda eki eldiń kólik jónindegi kishi komıssııasynyń toǵyzynshy otyrysynyń sheshimi boıynsha Pavlodardan bastap aǵys boıymen 1930 shaqyrymǵa deıin ózen tabanyn 190 sm. qazý jaıy qarastyrylǵan edi. Endi osy júıeli is júzege assa, sý joldarynyń tynysy keńeıip, el yrysynyń artýyna óz úlesin qosady degen úmit bar.
Nurbaı ELMURATOV,
< strong>«Egemen Qazaqstan».
