• 13 Qyrkúıek, 2013

2013 jylǵy tamyzda kúnkóristiń eń tómengi deńgeıiniń shamasy 19 351 teńgeni qurady

221 ret

kórsetildi

2 mın

oqý úshin

Egemen Qazaqstan

Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2013 jylǵy tamyzda ótken aımen salystyrǵanda 5,9%-ǵa, 2012 jylǵy tamyzben salystyrǵanda 7,3%-ǵa ósti. Onyń qurylymynda et pen balyqty satyp alýǵa jumsalǵan shyǵystardyń úlesi 20,8%, jemister men kókónisterdi – 16,4%, sút, maı jáne toń maı ónimderi men jumyrtqany – 14%, nan jáne jarma ónimderin – 6,9%, qant, shaı jáne dámdeýishteri 1,9%-dy qurady.

teńge

	Orta eseppen halyqtyń jan basyna shaqqanda	0-13 jastaǵy balalar	14-17 jastaǵy jasóspirimder		18 jastan asqan, eńbekke qabiletti halyq		Zeınet-kerler men qart adamdar
	Orta eseppen halyqtyń jan basyna shaqqanda	0-13 jastaǵy balalar	jas jigitter	qyzdar	erler	áıelder	Zeınet-kerler men qart adamdar
Kúnkóristiń eń tómengi deńgeıiniń shamasy	19 351	17 087	24 065	18 437	22 736	18 041	17 879
Azyq-túlik taýarlary	11 611	10 252	14 439	11 062	13 642	10 824	10 727
Azyq-túlik emes taýarlar men aqyly qyzmetter	7 740	6 835	9 626	7 375	9 094	7 217	7 152

Ádisnamalyq túsiniktemeler

Eń tómengi kúnkóris deńgeıi – mólsheri boıynsha eń tómengi tutyný qorjynynyń qunyna teń, bir adamǵa qajetti eń tómengi aqshalaı tabys. Eń tómengi tutyný qorjyny adam tirshiligin qamtamasyz etýge qajetti tamaq ónimderiniń, taýarlar men kórsetiletin qyzmetterdiń zattaı jáne qundyq kórinistegi eń tómengi jıyntyǵy bolyp tabylady. Ol azyq-túlik qorjynynan jáne azyq-túlik emes taýarlar men aqyly qyzmetterge jumsalatyn shyǵystardyń bekitilgen úlesinen turady. Kúnkóristiń eń tómengi deńgeıin esepteýge arnalǵan az tutynylatyn azyq-túlik emes taýarlar men kórsetiletin qyzmetterge jumsalatyn shyǵystardyń úlesi eń tómengi tutyný qorjyny qunynyń 40 paıyzdyq mólsherinde belgilengen.

Qazaqstan Respýblıkasynyń Statıstıka agenttigi