Tótenshe jaǵdaı kezinde bıznes salasyn qoldaý aıasynda memleket «Damý» qory arqyly «Eńbek» nátıjeli jumyspen qamtýdy jáne jappaı kásipkerlikti damytý memlekettik baǵdarlamasy aıasynda kásiporyndarǵa jyldyq 6%-ben nesıe beretin bolady.
Sonymen qatar, Úkimet áıel adamdar qurǵan shaǵyn jáne orta bıznes (ShOB) kásiporyndarynyń ósýin yntalandyrmaq.
Áıelder kásipkerligin qoldaý baǵdarlamasy Azııa damý banki men Eýropa qaıta qurý jáne damý bankiniń tartylǵan qarajaty sheńberinde iske asyrylýda. Sondaı-aq, bıznesti qarjylandyrýǵa ıslam qarjylandyrý baǵdarlamasy arqyly qarajat tartylýda. Qarjy sharıǵat qaǵıdalary boıynsha óz bıznesin damytýǵa nıetti kásipkerlerge beriledi.
Oǵan qosa, ShOB úshin mindetti tólemder men salyqtardyń kóptegen túrleri boıynsha merzimin uzartý týraly sheshim qabyldandy. Bul karantın rejıminen shyǵý kezeńinde jáne odan ári tabysty damý úshin bızneske túsetin júktemeni azaıtý maqsatynda jasalýda.
