Táýke han dańǵyly men S.Erýbaev kóshesi aralyǵy demalys ornyna aınalady. Jartylaı arka, jarty bóligine jasyl jelek, trotýar, jaryqsham, oryndyqtar men qorshaýlar ornatylǵan kósheniń eki shetinde ornalasqan shaǵyn kásipkerlik nysandar kelbeti biryńǵaı úlgige keltiriledi. Demalys ornyn 9 mamyr - Jeńis kúni merekesine oraı tolyqtaı aıaqtaý josparlanǵan.
Sondaı-aq abattandyrý jumystary aıaqtalýǵa jaqyn temirjol vokzaly aldyndaǵy alleıa ózgeshe demalys orny bolmaq. Erekshe sýburqaq iske qosylady, tórt arkanyń joǵarǵy jaǵynan sýdy bý túrinde shashatyn qondyrǵy qoıylǵan. Kelýshiler arkadan ótkende qońyrsalqyn lep syılap, kúnniń ystyǵynan qorǵaıdy. Sondaı-aq jan-jaǵy túrli túske enip, jaryqshamdar shamy jaǵylady. Degenmen, atqarylǵan isterdiń kem-ketikteri de joq emes. Qala ákimi qatań eskertken betondardyń birkelki tóselmeýin merdigerler óz esebinen qalypqa keltiretin bolady. Búgingi tańda aıaqjol tastary tóselip, abattandyrylyp jatqan aýmaqtaǵy jumystardy 1 mamyrǵa deıin aıaqtaý kózdelip otyr.
