«Jalpy bul maqsatqa 35,7 mlrd teńge bólingen. Qor stasıonarlarmen kelisim-sharttar jasady. Naýryz aıy boıynsha tólemder júrgizildi: 17,4 myńnan astam medısınalyq qyzmetkerlerine 3,3 mlrd teńgeden astam qarajat jiberildi. Eń kóp somalar Almatydaǵy jáne Nur-Sultandaǵy medısınalyq qyzmetkerlerine tólendi - shamamen 1,9 mlrd teńge»,- dedi ol.
A. Jumaǵulovtyń aıtýynsha, Qordyń qarjy operatory retindegi róli tek qarjylardy tóleý ǵana emes, «COVID-19 koronavırýsymen kúresý aıasynda epıdemııaǵa qarsy is-sharalarǵa qatysatyn densaýlyq saqtaý uıymdarynyń qyzmetkerlerin qarjylaı qoldaýdyń keıbir máseleleri týraly» Densaýlyq saqtaý mınıstriniń buıryǵyna berilgen málimetterdiń sáıkestigin tekserý da bolyp tabylady. Osyǵan oraı, Qor ústemaqy alýshylardyń tizimderin tekserý boıynsha úlken jumystar júrgizedi.
Sondaı-aq ÁMSQ basshysy boljam boıynsha qoldaý kórsetiletin medısınalyq qyzmetkerlerdiń sany eki esege deıin artady dep atap ótti.
