Memleket basshysy Qasym-Jomart Toqaev pandemııanyń saldarynan áleýmettik mańyzy bar joǵary taýarlar men azyq-túlik túrleriniń baǵasy negizsiz óspeýin jáne tapshylyǵy bolmaýyn jergilikti atqarýshy organ jetekshilerine udaıy nazarda ustaý qajet ekendigin tapsyrǵan bolatyn.
«Prezıdenttiń osy tapsyrmasyn oryndaý maqsatynda Kókpekti aýdan ákimi Ashat Smaılovtyń tikeleı baqylaýymen Kókpekti, Samar aýyldaryndaǵy saýda nysandarynda azyq-túlik baǵalary arnaıy qurylǵan jedel shtab qyzmetkerleriniń kómegimen tekserildi. Nátıjesinde aýdan ortalyǵynda jeti dúken ıesine azyq-túlik baǵasyn ortasha baǵadan kúrt ósirgenge jáne saqtyq sharalaryn qoldanbaǵany úshin aıyppul salynyp, Samar aýylynda toǵyz dúken jumysyn toqtatty. Aldaǵy ýaqytta da dúkenderdegi azyq-túlik baǵasy nazarda bolyp, baqylaý júrgiziletini aıtyldy» deıdi Kókpekti aýdandyq Ishki saıasat bóliminiń basshysy Azamat Halyq.
Shyǵys Qazaqstan oblysy,
Kókpekti aýdany
