- Qalamyzda úsh aýysymdy mektepter úshin 2020 jyldyń qyrkúıek aıynda 7 jańa bilim ordasy berilgeli otyr. Júrgizilgen manıtorıng nátıjesinde mektepterge degen tapshylyq barysynda 6 myń qosymsha oryn beriledi. Bul, qalamyzda jeke menshik mektep ashamyn degen kásipkerlerimizge óte zor múmkindik bolmaq. Jeke menshik mektep ashamyn degen kásipkerlerge qarjyny kóp talap etpeıtin tetikter qarastyrylǵan. Iаǵnı, qalamyzda bos turǵan ǵımarattardy jalǵa alý arqyly, sanıtarlyq normalaryn saqtaı otyryp, mektepter ashýǵa bolady - dedi Shymkent qalasy bilim basqarmasynyń basshysy.
J.Tájıevanyń málimdeýinshe, Bilim jáne ǵylym mınıstirliginiń tapsyrmasyna sáıkes, balabaqshalardyń sapasyna qatysty qyrkúıek aıynan bastap lısenzııalaý talaptary qarastyrylǵan. Bala tárbıesine salǵyrt qarap, keıbir sanıtarlyq talaptardyń saqtamaǵan balabaqshalar jabylatyn bolady.
Sondaı-aq brıfıngte basqarma basshysy elimizde jarııalanǵan tótenshe jaǵdaıǵa qatysty qalamyzdaǵy oqý sabaqtary kestege sáıkes onlaın túrinde júrgizilip jatqandyǵyn baıandap, bilim sapasy basty nazarda ekendigin atap ótti.
