Statıstıka komıtetiniń aldyn ala derekteri boıynsha 2020 jylǵy qańtar-naýryz aralyǵynda qarjylandyrýdyń barlyq kózderi boıynsha turǵyn úı qurylysyna 282,9 mlrd teńge ınvestısııa jumsaldy nemese 2019 jyldyń uqsas kórsetkishimen salystyrǵanda 16,3% quraıdy.
Jalpy alańy 2 641, 628 myń sharshy metr turǵyn úı paıdalanýǵa berildi, bul 2019 jylǵy uqsas kezeńmen salystyrǵanda 96,4%-dy qurady.
Barlyǵy respýblıka boıynsha 21 069 birlik turǵyn úı, onyń ishinde 9 969 jeke turǵyn úı paıdalanýǵa berildi.
Sonymen qatar, satyp alý múmkindigisiz jalǵa beriletin turǵyn úı salýǵa (satyp alýǵa) respýblıkalyq bıýdjetten 90 mlrd teńge somasyna qarajat bólindi.
2020 jylǵy 1 sáýirdegi jaǵdaı boıynsha qarjylandyrý josparyna sáıkes ákimdikterge 4,8 mlrd teńge aýdarylyp, bul qarajattyń 4,7 mlrd teńgesi nemese 97,8%-y ıgerildi.
«Nurly jer» baǵdarlamasynyń josparly kórsetkishterine qol jetkizý úshin kópbalaly otbasylar úshin turǵyn úı qurylysyna 34 mlrd teńge bólinbek. Bul taǵy 4 000 otbasyn jalǵa beriletin turǵyn úımen qamtamasyz etýge múmkindik beredi. Jalpy, 2020 jyldyń qorytyndysy boıynsha 10 000 otbasyn turǵyn úımen qamtamasyz etý josparlanýda.
Jyl sońyna deıin 3 000 jumys isteıtin jastardy jalǵa beriletin turǵyn úımen qamtamasyz etý úshin 14,4 mlrd teńge bólý josparlanýda.
