Qazaqstan • 23 Sáýir, 2020

Eljan Birtanov sanıtarlyq-epıdemıologııalyq qyzmetke kadr daıyndaý boıynsha keńes ótkizdi

220 ret

kórsetildi

1 mın

oqý úshin

Selektorlyq rejımde ótken keńeske atalǵan vedomstvonyń vıse-mınıstrleri, qurylymdyq bólimsheler men uıymdardyń basshylary, medısınalyq JOO rektorlary, ǵylymı ortalyqtar dırektorlary jáne salaǵa qatysty ózge de uıym ókilderi qatysty. Densaýlyq saqtaý mınıstrligi sanıtarlyq-epıdemıologııalyq qyzmetti kadrlarmen qamtamasyz etý úshin qysqa ári orta merzimderge arnalǵan sharalardy usyndy. Bul týraly DSM baspasóz qyzmeti habarlady.

Egemen Qazaqstan

Eljan Birtanov sanıtarlyq-epıdemıologııalyq qyzmetke kadr daıyndaý boıynsha keńes ótkizdi

Qysqa merzimde sharalar aıasynda bakalavrıattaǵy 120 túlekti sanıtarlyq dárigerlikke (epıdemıologtar), qoǵamdyq densaýlyq saqtaý mamandyǵyna jáne gıgıenashylyqqa mamandandyrý eskerilgen. Ol úshin stýdentter epıdemıologııanyń qosymsha saǵattaryn ıgerýi tıis.

Mınıstrlik qysqa merzimde epıdemıologııalyq qyzmet boıynsha 300 mamandy qaıta daıarlaýdy jáne 9 myń medısına qyzmetkeriniń biliktiligin arttyrýdy josparlap otyr. Budan bólek, orta merzimdegi sharalar aıasynda úshinshi kýrstan bastap bilim berý traektorııalary turǵysynda (epıdemıologııa jáne gıgıena) «qoǵamdyq densaýlyq saqtaý» mamandyǵynyń stýdentteriniń profılızasııa sharasy usynyldy. Beıindi magıstratýrada epıdemıologııa, gıgıena, densaýlyq saqtaýdaǵy menedjment mamandyqtary boıynsha daıarlaý josparlanýda. Doktorantýrada ǵylymı-pedagogıkalyq kadrlardy maqsatty daıarlaý jalǵasady. ⠀

Keńes barysynda respýblıkalyq sarapshylar kadrlar daıarlaýdy reformalaý jáne sanıtarlyq-epıdemıologııalyq salada qyzmetkerlerdiń áleýetin arttyrý boıynsha sharalar josparyn talqylady.