«Qazaqstanda kóptegen tájik eńbek mıgranttary jumys isteıdi. Sondaı-aq, elde qarjy tehnologııasy qyzmetteri belsendi damyp keledi. Sondyqtan biz óz ónimderimizdiń áleýetin kórip turmyz», – deıdi «Wooppay» damý jónindegi dırektory Aleksandr Doroshenko.
Postkeńestik keńistiktiń basqa elderimen salystyrǵanda Tájikstanda jastardyń eń joǵary paıyzy baıqalady. Osy el - paıdalanýshylar sany ósip kele jatqan perspektıvaly naryq. Wooppay josparlaryńda Tájikstanda mynadaı servısterdi damytý: ámııan, woopkassa – veb-saıttarda jáne qosymshalarda karta arqyly tólemderdi qabyldaý qyzmeti, uıaly baılanys operatorlaryna arnalǵan mobıldi saýda platformasy.
«Biz elge qolma-qol aqshasyz tólemderdi engizýge kómekteskimiz keledi. Bizdiń maqsatymyz – Tájikstan azamattary úshin ǵalamtordaǵy tóleý prosesterin jeńildetý jáne qaýipsiz etý, sonymen qatar barlyq Ortalyq Azııa elderinde tájik qyzmetterine aqy tóleýge múmkindik berý», – deıdi Wooppay tájikstandyq keńsesiniń dırektory Bahtııor Kodırov.
2018 jyly «BOT-Service» tájikstan startapy Nur-Sultan qalasyndaǵy «Astana Hub» IT-startaptarynyń halyqaralyq tehnoparkinde akselerasııadan ótti. «Astana Hub» akselerasııa baǵdarlamasy - bul úsh aılyq qarqyndy tehnologııalyq startaptardy damytý baǵdarlamasy. Ol tálimgerlik, oqytý jáne saraptamalyq qoldaý arqyly bıznes qurýdy maqsat etedi. Tájikstan naryǵy ǵalamtor-ekvaırıngti jaqynda ǵana engize bastaǵan, sondyqtan osy baǵytta jumys isteýge sheshim qabyldandy. Startapshylar jergilikti bankterdiń birimen yntymaqtastyq týraly kelisim jasasyp, «PayMon» ónimin shyǵara bastady.
Sonymen qatar «PayMon» 2019 jyly «Visa Everywhere Initiative» baıqaýyna qatysty. Bul baıqaýdy «Astana» Halyqaralyq Qarjy Ortalyǵy (AHQO) Visa-men seriktesip jasady. AHQO - aǵylshyn quqyǵy qaǵıdattaryna negizdelgen táýelsiz ıýrısdıksııa, olar ınvestorlar men kompanııalardyń damýyna qolaıly jaǵdaı týǵyzady. Onyń baǵyttarynyń biri - startaptardy qoldaý baǵdarlamalary jáne Ortalyq Azııadaǵy birinshi retteýshi «qumsalǵysh» FinTech Lab arqyly keleshekti qarjy tehnologııalary jobalaryn qoldaý. Jáne de venchýrlyq kapıtaldy tartýǵa, seriktestik ornatýǵa kómek, t.b.
Baıqaý nátıjesinde Orta Azııa qarjy tehnologııasyndaǵy startaptarynyń kartasy jasaldy, oǵan Tájikstan jobasy da engen. Muny bilgen «Wooppay» «PayMon»-ǵa yntymaqtastyq usyndy. Osylaısha, joba «Wooppay» Tájikstan bólimshesine aınaldy.
«Aımaqtyq qarjy tehnologııasy servısteriniń damýy jáne masshtabtaýy – AHQO-nyń negizgi mindetteriniń biri. Biz qazaqstandyq kompanııanyń, AHQO Qarjy tehnologııa Habynyń qatysýshysynyń Ortalyq Azııadaǵy naryǵyn keńeıtip jatqanyna qýanyshtymyz», - dedi AHQO Qarjy tehnologııa Habynyń sarapshysy Taras Volobýev.
WOOPPAY kompanııasy – Qazaqstan Respýblıkasynyń zańnamasyna sáıkes elektrondyq aqsha júıesiniń operatory bolyp tabylady. Naryqta 2012 jyldan bastap jumys isteımiz. Kompanııa aqsha qabyldaý jáne aýdarý boıynsha, sondaı-aq ár túrli qyzmet salasyndaǵy seriktes kompanııalardyń qarjylyq aǵymdaryn ońtaılandyrý boıynsha biregeı sheshimderdi usynady. Qazirgi ýaqytta «WOOPPAY» - Qazaqstan Respýblıkasyndaǵy onlaın-tólemder naryǵynyń kóshbasshysy jáne «EQAJ» tórt emıtenttiń eń iri operatory. Biz onlaın-tólemderdiń taralýynyń, masshtabtalýynyń jáne ósýiniń joǵary qarqynyn saqtaımyz.
