Juqpaly indettiń órshýine baılanysty vahtalyq aýysymnan qaıtqandar áýejaıda koronavırýsqa qarsy tekserýden ótip, hattamaǵa sáıkes oqshaýlanady. Qazir kelgen 64 adam arnaıy avtobýspen Qapshaǵaı qalasynyń mańyna jetkizilip, «Kúnshýaq» demalys ornyna ornalastyrylǵan.
- Úıine oralǵan seriktiktik qyzmetkerleri sońǵy aıda Teńiz kenishinde vahtalyq aýysymda jumys istegen, biraq COVID-19 ınfeksııasy anyqtalǵan Vaternas vahtalyq kentinde turmaǵan. Degenmen, qaýipsizdik maqsatynda áýe reısine koronavırýs ınfeksııasyna tekserý ekspress-testiniń nátıjesi teris bolǵandar ǵana otyrǵyzyldy. Olar Qapshaǵaı qalasyna jetkizilgennen keıin eki kún karantınge alynady. Oblys basshylyǵynyń tapsyrmasymen atalǵan demalys ornynda barlyq sanıtarlyq-dezınfeksııalyq sharalardy saqtaı otyryp, karantın kezinde jolaýshylardyń ómir súrýine qajetti barlyq jaǵdaılar tolyq qarastyrylǵan. Eki kúnnen keıin atalǵan jolaýshylar turǵylyqty jerlerine arnaıy avtobýstarmen jetkiziletin bolady, - dep habarlady jaǵdaıǵa oraı túsinik bergen Almaty oblysy ákiminiń baspasóz qyzmeti.
