Álemniń 17 myń ýnıversıtetteriniń arasynan úzdik ýnıversıtetterdi anyqtaıtyn QS World University Rankings agenttiginiń 2013/2014 jylǵy reıtınginde qazaqstandyq joǵary oqý oryndarynyń kóshbasshysy L.N.Gýmılev atyndaǵy Eýrazııa ulttyq ýnıversıteti 66 satyǵa kóterilip 303-oryndy ıelendi. Bul joǵary oqý orny baıqaýǵa 2009 jyldan bastap qatysyp keledi. Sodan beri ýnıversıtet eki jyl qatarynan álemniń eń úzdik joǵary oqý oryndarynyń arasynan kórinýde.
Álemniń 17 myń ýnıversıtetteriniń arasynan úzdik ýnıversıtetterdi anyqtaıtyn QS World University Rankings agenttiginiń 2013/2014 jylǵy reıtınginde qazaqstandyq joǵary oqý oryndarynyń kóshbasshysy L.N.Gýmılev atyndaǵy Eýrazııa ulttyq ýnıversıteti 66 satyǵa kóterilip 303-oryndy ıelendi. Bul joǵary oqý orny baıqaýǵa 2009 jyldan bastap qatysyp keledi. Sodan beri ýnıversıtet eki jyl qatarynan álemniń eń úzdik joǵary oqý oryndarynyń arasynan kórinýde.
Osy QS World University Rankings agenttigi ýnıversıtetterdiń reıtıngterin anyqtaý barysynda jumys berýshilerdiń pikirleri, qyzmetkerler men bilim alýshylardyń ǵylymı eńbekterine silteme jasaý kórsetkishteri, ýnıversıtette júrgizilip jatqan ǵylymı-zertteý jumystarynyń jalpy deńgeıi eskeriledi. Sonymen qatar, professor-oqytýshylar quramynyń stýdentter sanyna qatynasy deńgeıi, basqa elderden kelgen oqytýshylar men stýdentter úlesi de baǵalanady.
Qazaqstannyń jetekshi joǵary oqý oryndarynyń biri L.N.Gýmılev atyndaǵy Eýrazııa ulttyq ýnıversıteti bilim berý sapasyn qamtamasyz etý jónindegi Táýelsiz qazaqstandyq agenttiginiń (IQAA-NKAOKO) ulttyq reıtıngine sáıkes 1-oryndy eki jyl qatarynan ıelendi. Ǵylymı-zertteý ınstıtýttaryn, ǵylymı ortalyqtar men zerthanalardy, biliktilikti jetildirý ınstıtýttary men túrli memleketterdiń mádenı bilim berý ortalyqtaryn qamtyǵan oqý orny Prezıdenttiń «Altyn sapa» syılyǵyn «Qyzmet kórsetetin úzdik kásiporyn» atalymy boıynsha alǵan bolatyn.
Qazir ýnıversıtet 2020 jylǵa deıingi damý strategııasyn ázirleý barysynda óz mindetin anyqtady. Eldiń ındýstrııalyq-ınnovasııalyq damýyna úles qossaq degen nıetpen «jasyl tehnologııa» nemese balamaly energetıkany damytýǵa arnalǵan ǵylymı zertteýlerge kóńil bólýde. Kúnnen alatyn elektr energııasy generasııasyn júzege asyrý jobasyn Germanııa kompanııalarymen birlesip jasap jatyr.
«Egemen-aqparat».
