Osyndaı qıyn kezeńde tabysynan aıyrylǵan azamattarǵa da qoldaý kórsetildi. Bul – memlekettiń halyqqa jasap otyrǵan jaǵdaıy, kórsetip otyrǵan kómegi. Búginde 42500 teńge kólemindegi qoldaýǵa kóptegen otbasy ıe boldy. Onyń ishinde men de barmyn. Jalpy, málimet boıynsha Jambyl óńirinen 200 myńnan astam turǵyn osy kólemdegi ataýly qarjylaı qoldaýǵa ıe bolǵan eken. Bul halyqqa úlken kómek ekeni sózsiz.
Qazirgi kezde elimizde karantın rejimi kúsheıtilýde. Bazarlar, iri saýda-sattyq oryndary, meıramhana sııaqty áleýmettik nysandardyń jumys isteýine tyıym salyndy. Bul sheshim kásipkerlerdiń kásibine kedergi keltirgenimen, halyqtyń qaýipsizdigi úshin oń nátıje bererlik sheshim boldy. Alaıda memleket tabysynan aıyrylǵan azamattar úshin tıisti sheshim qabyldady. Bul halyq úshin úlken kómek. Men de memlekettiń qoldaýy úshin alǵys bildiremin. Memleket tarapynan qabyldanǵan tıisti sheshimderdiń nátıjesinde elimizdiń bul qıyndyqty da eńserip, jeńip shyǵatynyna senim mol.
Marjan Eshtaeva,
Taraz qalasynyń turǵyny
