WhatsApp arqyly keńes beredi

Mysaly, Taldyqorǵan qala­lyq emhanasynyń dári­ger­leri tirkelgen naý­qas­tar­­dyń shaǵymyn WhatsApp arqy­ly qabyldap, qajetti aqyl-ke­ńes­ti qashyqtan berip otyr. Bul týraly qalalyq emha­na­nyń áleý­mettik jelidegi paraq­sha­­la­­rynan oqyp qalǵan edik. On­da­ǵy jazbalarda koronavırýs ınfeksııasynyń órshýine baılanysty saqtyq sharasynyń kúsheıgeni eskertilip, dári­ger­diń shuǵyl kómegi qajet bol­ma­ǵan jaǵdaıda, tıisti keńesti emhanaǵa kelmeı, qashyqtan alý usynylǵan bolatyn. Al jazba sońynda qajetti mamandarmen baılanysýǵa bolatyn telefon nómiri berilipti.

Biz jýrnalıstik áýestikpen kar­dıolog dárigerdiń Whats­App nómirine habarlama ji­be­rip, keńes alǵymyz ke­le­­tinin aıt­tyq. Kún jek­sen­­bi edi. Biraq dáriger kóp kút­tirmedi. О́zin Qaıyrkúl Baızaq­qyzy dep tanys­tyr­ǵan kar­dıolog bizdiń den­saý­ly­ǵymyzdyń jaıyn bilip, tur­ǵylyqty mekenjaıy­myz­ǵa qatysty suraq qoıdy. Qan qysymy, dene qyzýy jaıly málimetterdi bilgennen keıin maman retinde bizdi maza­la­ǵan máselege kóshti. Jáne dári­gerimiz kúnniń jeksenbi ekenin aıtyp, naýqas tarıhy týra­ly málimetterdi qaraı almaı­ty­nyn birden eskertti. Eger dert kúsheıip, janǵa bat­qan jaǵdaıda birden jedel jár­dem shaqyrýdy usyndy...

Biz osy jerden keńes su­raý­­dy toqtatyp, Qaıyrkúl Baı­zaqqyzynan jeksenbi kúni maza­laǵanymyzǵa keshirim sura­dyq ári qyzmet babymen habarlasyp turǵanymyzdy aıttyq. Dáriger de bizdiń áreke­timizdi túsi­nip, saýa­ly­myzdy izgi nıet­pen qabyl­dady.

– Juqpaly indetten saq­ta­ný sharalary kúsheıgeli beri biz de pasıenttermiz úshin jıi alań­daıtyn boldyq. Qalada júrek, qan qysymy aýrýymen aýy­ratyndar az emes. Olarǵa kút­pe­gen jaǵdaıda keńes qajet bolyp qalýy múm­kin, sol úshin telefon nómirimizdi ashyq jarııalap, adam­dardyń qashyqtan kómek alýyn qoldap otyrmyz. Jáne bul aýyrtpalyq elimizdiń medı­sına qyzmetkerleri úshin ja­ýap­kershilikti arttyrdy. Qan­­­sha áriptesimiz qaýipti in­det oshaǵynda, ınfeksııamen betpe-bet kelip, kásibı min­­detin atqaryp júr. О́z basym koro­navırýstan jazylyp shy­ǵyp jatqan adamdar jaıly aqpa­ratty estigen saıyn tóbem kókke jetkendeı bolady. Muny otan­dyq dárigerlerdiń bi­li­­mi men biliginiń arqasy, biz­degi dári-dármekpen qamtý, medı­sınalyq qurylǵylardyń qol­je­tim­diliginiń nátıjesi dep aı­týy­myz kerek. Indet taralmaýy úshin úıde otyraıyq, júre­gi­ńiz­di saqtańyz, aýyrmańyz, – deıdi Taldyqorǵan qala­lyq emha­na­synyń kardıolog dá­ri­ge­ri Qaıyrkúl Imanǵa­zı­no­va.

Almaty oblysy