Osydan birer apta buryn ÝEFA-nyń barlyq memlekettiń ulttyq federasııalaryna 2019/2020 jylǵy dop dodasyn qalaı da aıaqtaý qajettigi jóninde nusqaý bergeni málim. Soǵan sáıkes ıtalııalyqtar osyndaı sheshim qabyldap otyr. Al osy eldegi ishki birinshilik mamyrdyń sońynda nemese maýsym aıynyń basynda jalǵasady dep kútilýde.
Qazirgi kezde A serııasynda «Iýventýs» pen «Lasıo» klýbtary úzeńgi qaǵystyryp keledi. Týrındikter 26 kezdesýden keıin 63 upaıdy qorjynǵa salsa, rımdikterdiń kósh basyndaǵy ujymnan bir ǵana upaıy kem. О́zge komandalardyń jaǵdaıy sál múshkildeý. Máselen, úshinshi satyǵa jaıǵasqan «Inter» 25 oıynnan soń 54 upaı jıdy.
