Qazaqstan • 24 Sáýir, 2020

Qazaqstan halyqaralyq ǵylymı yntymaqtastyqty jańa formatta jalǵastyrýda

13 retkórsetildi

Bul týraly Mádenıet jáne sport mınıstri Aqtoty Raıymqulova aıtty. 

«Qazaqstan álemniń kóptegen elderi sııaqty shekaralaryn japqanyna qaramastan halyqaralyq ǵylymı yntymaqtastyqty jańa formatta jalǵastyrýda. Alǵash ret qazaqtyń uly aqyny Abaı Qunanbaevtyń 175 jyldyǵyna arnalǵan «Abaı jáne rýhanı mura» atty halyqaralyq onlaın konferensııasy ótti. Is-sharaǵa Qytaı, Túrkııa, Vengrııa, Reseı elderiniń spıkerleri jáne qazaqstandyq ǵalymdar, ólketanýshylar, jazýshylar men aqyndar qatysty. Onlaın konferensııa Zoom platformasynda ótip, tikeleı efırde 100 myńnan astam adam qarady», - dedi mınıstr Aqtoty Raıymqulova.

Sondaı-aq mınıstr Mádenıet jáne sport mınıstrliginiń qoldaýymen, «álemniń ekinshi ustazy» Ábý Nasyr ál-Farabıdiń mereıtoıyna arnalǵan konferensııanyń ótkenin atap ótti. 

«Ál-Farabıdiń 1150 jyldyǵyna arnalǵan «Ábý-Nasyr ál-Farabı murasy jáne qazirgi zaman» atty halyqaralyq ǵylymı onlaın konferensııasy uıymdastyryldy. Konferensııaǵa Ulybrıtanııa, Sırııa, Túrkııa, Tájikstan, Qazaqstan jáne basqa da elderdiń ǵalymdary belsendi qatysty. Sáýir aıynyń sońynda «Rýhanı Jańǵyrý» baǵdarlamasyn júzege asyrý maqsatynda «Kıeli Qazaqstan» atty halyqaralyq onlaın konferensııasyn da ótkizýdi josparlap otyrmyz. Jaqynda ǵana IýNESKO-nyń uıymdastyrýymen álemniń 130 eliniń Mádenıet mınıstrlerimen birge  halyqaralyq onlaın konferensııaǵa qatystym. Konferensııada pandemııanyń mádenıetti damytýǵa áserin azaıtý jónindegi sharalar jáne salany odan ári damytýdyń joldary talqylandy», - dedi mınıstr.

Sońǵy jańalyqtar

ForteBank: Bir dollar – 388 teńge

Qazaqstan • Búgin, 15:35

Áke rýhynan qýat alǵan qaısar jan

Rýhanııat • Búgin, 11:54

Abylaıhannyń aq joly

Aımaqtar • Búgin, 10:05

Uqsas jańalyqtar