Jekemenshik aýrýhana men shıpajaı-kýrorttyq uıymdardyń qyzmetin júzege asyratyn jeke dárigerlik praktıka men stomatologııa salasyndaǵy shaǵyn, kishi nemese orta kásipkerlik sýbektileri úshin (QR ÚQ 1t.) «0» túzetý koeffısıenti belgilendi:
-tólem kózinen ustalatyn jeke tabys salyǵynan;
- áleýmettik salyqtan;
-mindetti zeınetaqy jarnalarynan, mindetti kásiptik zeınetaqy jarnalarynan;
-áleýmettik aýdarymdardan;
-mindetti áleýmettik medısınalyq saqtandyrýǵa jarnalar men aýdarymdardan.
Joǵaryda kórsetilgen salyqtyq bosatýlar tólem kezeńi sáýirdiń 1-nen bastap qazannyń 1-ne deıin qoldanylady.
Uıymnyń menshik nysanyna qaramastan, barlyq medısınalyq qyzmetkerler úshin, sondaı-aq joǵaryda kórsetilgen salyqtardan (JTS, áleýmettik salyq) jáne áleýmettik tólemderden, Densaýlyq saqtaý mınıstriniń 2020 jylǵy 4 sáýirdegi № 28/2020 (QR ÚQ 4t.) buıryǵyna sáıkes 2020 jylǵy 1 naýryzdan bastap tólenetin epıdemııaǵa qarsy is-sharalarǵa qatysatyn qyzmetkerlerge ústemeaqydan (MZJ, MKZJ, ÁA, MÁMS-ǵa aýdarymdar) bosatý sharalary kózdelgen.
Eldegi tótenshe jaǵdaıǵa baılanysty «Birgemiz» qoǵamdyq qory tarapynan halyqtyń az qorǵalǵan áleýmettik kómekke asa muqtaj tobyna kómek kórsetilýde.
«Birgemiz» qoǵamdyq qorynan jeke tulǵalardyń jekelegen sanatyna áleýmettik kómek retinde kórsetken 647 AEK shegindegi qaıyrymdylyq kómegi tólem kózinen jeke tabys salyǵynan ustalmaıdy. Mundaı salyqtan bosatýǵa Salyq kodeksiniń 1-babynyń 20-38-tarmaqshalary men 341- baptyń 34 tarmaqshasy negiz boldy.
