Qazaqstan • 24 Sáýir, 2020

Avıasııa salasy jyl sońynda qalypqa kele bastaıdy

15 retkórsetildi

Jahandyq avıasııa salasy kúrdeli daǵdarysqa ushyraýda. Álemdik áýe parkiniń úshten bir bóligin quraıtyn 8 500 jolaýshy ushaǵy turaqqa qoıyldy. Bul týraly búgingi onlaın – bırfıng barysynda «Samuryq-Qazyna» AQ Kólik jáne logıstıka jónindegi basqarýshy dırektory Qanat Alpysbaev aıtty.

̶Kóptegen sala sarapshylary pandemııa aıaqtalǵannan keıin de áýe kompanııalary burynǵy qalpyna oralý úshin birneshe jyldar qajet bolady dep paıymdaýda. Mysaly, jahandyq daǵdarysqa deıin amerıkalyq áýe joldary arqyly kúnine rekordtyq 2,5 mln jolaýshy tasymaldanǵan. Qazir ushaqtar tek 10-20%-ǵa ǵana toltyrylýda, al jańa brondaýlarda ótkizý qabileti kúrt qysqarǵannan keıin de trafıktiń 80-90%-ǵa tómendeýi baıqalady. 2020 jyldyń aqpan aıynda jahandyq jolaýshylar aınalymy ótken jylmen salystyrǵanda 14,1%-ǵa tómendedi, deıdi Q.Alpysbaev.

IATA baǵalaýy boıynsha jolaýshylar aınalymy 2020 jyldyń 4-toqsanynda birtindep qalpyna keltire bastaıdy. Al 2021 jyldyń birinshi jartysynda jaǵdaı birshama turaqtalatyn kórinedi.

̶ Bizdiń kompanııalarda da jaǵdaı osy deńgeıde. Aǵymdaǵy jyldyń 22 naýryzynan bastap «Qazaq Air» AQ jáne «Eır Astana» AQ barlyq avıareısterdiń oryndalýyn toqtatty, «Eır Astana» AQ halyqaralyq baǵyttar boıynsha tek qana repatrıasııalyq reısterdi aǵymdaǵy jyldyń 29 naýryzyna deıin oryndady, dedi «Samuryq-Qazyna» AQ Kólik jáne logıstıka jónindegi basqarýshy dırektory.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar