Aýyl sharýashylyǵy mınıstrligi Agroónerkásiptik keshendegi memlekettik ınspeksııa komıtetiniń Túrkistan oblystyq aýmaqtyq ınspeksııasy ósimdikti qorǵaý bóliminiń jetekshisi T.Elǵonov Arys qalasynyń 36,8 myń gektar aýmaǵy bıyl shegirtkeniń eń iri oshaǵy retinde anyqtalyp otyrǵanyn aıtady. Jaıylymdyq jerlerdegi zııankesterdiń taralýynyń aldyn alý maqsatynda hımııalyq kúres sharalary júrgizilýde. Qazir 20 tehnıka aýmaqty hımııalyq dárileýge jumyldyrylǵan. Bul jumystardy «О́simdik qorǵaý» JShS-niń mamandary atqarýda.
Sondaı-aq birneshe jyl boıy oshaqtary anyqtalǵan Keles aýdanynda da shegirtkeniń qaptaý múmkindigi úlken. Bul aýdanda 36,5 myń gektar jerdi, al kórshi Shardara aýdanynda 3 myń gektardan astam jerde hımııalyq óńdeý jumystary júrgizilmek. Jalpy oblys boıynsha 83 myń gektardy hımııalyq dárileý kózdelýde.
Túrkistan oblysy
