Qoǵam • 24 Sáýir, 2020

SOS balalar aýyldary jumysyn onlaın jalǵastyrýda

55 retkórsetildi

Qazaqstanda áleýmettik jaǵynan az qamtylǵan otbasylar úshinshi jyl qatarynan «Qazaqstannyń SOS balalar aýyldaryndaǵy» Balalar men otbasylardy qoldaý ortalyqtarynan kómek alýda. Bul joba turmysy qıyn otbasylarǵa kómek kórsetý maqsatynda qurylǵan bolatyn.

Jobany «Qazaqstannyń SOS balalar aýyldary» korporatıvtik qory men «Samruk-Kazyna Trust» áleýmettik damý qory birlesip 2017 jyldan beri júzege asyryp keledi. Jumys balalarmen de, ata-analarmen de júrgiziledi, olarǵa psıhologııalyq, áleýmettik, zańgerlik kómek, sonymen qatar jumys jáne turǵyn úı tabýǵa kómek kórsetiledi. Qyzmetkerler  bala asyrap alýshy otbasylarymen de tyǵyz baılanysta bolyp, asyrap alýshy men bala arasyndaǵy qarym-qatynasty durys jolǵa qoıýǵa, balanyń jańa otbasyna beıimdelýine kómektesedi.

«Joba úlken mánge ıe, óıtkeni onyń mindeti – quqyqtyq, áleýmettik, psıhologııalyq resýrstardy paıdalana otyryp, otbasyn saqtaý, olarǵa jan-jaqty kómektesý. Ata-anasynyń qamqorlyǵynsyz qalǵan balalardyń bıologııalyq týystarymen qaıta qaýyshýyna da múmkindik jasalady. Mysaly, byltyr 51 balaǵa osyndaı kómek kórsetilip, olardyń 19-y óz otbasyna oraldy»,  deıdi «Samruk-Kazyna Trust» qorynyń joba menedjeri Áset Qylyshbaev.

Sonymen qatar, Qazaqstannyń «SOS balalar qalashyǵynyń» Balalar men otbasylarǵa qoldaý kórsetý ortalyqtarynda asyrap alýshy ata-analardy oqytady, 2019 jyly asyrap alýshy ata-analar mektebiniń kýrsyn 92 adam tabysty aıaqtady. Keıbireýleri óz armanyn iske asyrdy: balalar aýylynan  22 bala qamqorlyqqa alyndy. Jalpy alǵanda, ótken jyly úsh qalada ornalasqan ortalyq 183 otbasyna qyzmet kórsetti. 884 psıhologııalyq keńes ótkizildi, 570-ten astam adam psıhologtar men zańgerlerdiń qyzmetterin aldy, 209 bala logopedterdiń, defektologtardyń qajetti túzetý kómegimen, sondaı-aq pedagogıkalyq dıagnostıkamen qamtyldy.

Búgingi kúni karantınge baılanysty eresekter men balalar Ortalyqtarǵa qalypty túrde bara almaıdy. Alaıda qol jetkizilgen progresti joǵaltpaý jáne otbasylardy qamqorsyz qaldyrmaý úshin Almaty, Nur-Sultan jáne Temirtaý qalalaryndaǵy Balalar men otbasylardy qoldaý ortalyqtary onlaın jelige qosyldy.

Ortalyq qyzmetkerleri – psıhologtar, áleýmettik qyzmetkerler, zańgerler telefon arqyly, jedel habar almasý nemese beıne-konferensııa arqyly keńes beredi. Qyzmetter tizimi óte alýan túrli: psıhologııalyq trenıngter jáne otbasylyq keńes berý, logopedpen balalarǵa arnalǵan túzetý sabaqtary, zańgerlik keńester, sonyń ishinde qazirgi ýaqytta jumyssyzdyq boıynsha járdemaqy alýǵa qatysty kómek.

«Biz psıhologpen WhatsApp messendjeri arqyly jumys isteımiz, bul óte yńǵaıly. Qashyqtan jumys isteýdiń betpe-bet kezdesýlermen aıyrmashylyǵy joq. Esesine nátıjeli bolyp, ýaqyt únemdeledi. Bizge qamqorlyq kórsetkeni úshin Ortalyqqa úlken alǵysymdy aıtamyn», deıdi Nur-Sultan qalasyndaǵy benefısıar.

«Biz jumys isteıtin otbasylar qıyn jaǵdaıda. Karantın engizilgennen keıin olar jumys, qarjylyq máselelerge jáne qosymsha shekteýlerge baılanysty qınala bastady. Olar ortalyq mamandarynan alystan kómek alýy úshin biz barlyq jaǵdaıdy jasaýǵa tyrystyq. Sonymen qatar, mundaı ýaqytta azyq-túlik satyp alý, kommýnaldyq tólemder jáne t.b. sııaqty qajettilikter paıda bolady. Biz osyndaı qoldaýǵa qarajat qoımaımyz, sondyqtan bizdi qýana qoldaǵan «Samruk-Kazyna Trust» Qoryna jáne basqa da seriktesterden kómek suradyq», deıdi Qazaqstannyń «SOS Balalar qalashyǵy» qorynyń baǵdarlamalyq dırektory Marııa Chernova.

Seriktesterdiń qoldaýymen jobadaǵy 80 otbasyǵa qajetti zattar men gıgıenalyq quraldar kiretin azyq-túlik paketteri berilgen.

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar