Aýdan kóleminde «Qaraǵur» óndiristik kooperatıvi, «Tekeı» sharýa qojalyǵy janynan jáne aýdan ortalyǵy Sholaqqorǵan aýyl okrýgindegi «Baǵdat» sharýa qojalyǵy janynan túıe sútin qabyldaıtyn 3 arnaıy beket ashylǵan. Ár beketke syıymdylyǵy 1 tonnalyq qondyrǵy qoıyldy.
Qazirgi tańda «Tekeı» jáne «Baǵdat» sharýa qojalyǵy janyndaǵy túıe sútin qabyldaý beketteri jekelegen sozaqtyq sharýalarymen birge aptasyna 2 tonna túıe sútin ótkizýde. Túıe tóldep, súti saýylǵannan bergi az ýaqytta 30 tonna sút Túrkistan qalasyndaǵy qaıta óńdeý kásiporynyna jetkizilgen. Aldaǵy ýaqytta «Qaraǵur» óndiristik kooperatıvi janyndaǵy beket iske qosylyp, túıe sútiniń ónim kólemi arta túspek.
Osyndaı nátıjeli jumystardyń bastaýynda Túrkistan oblysynyń ákimi О́mirzaq Shókeevtiń aýdan basshylyǵyna oısyl qara basyn kóbeıtý, túıe sútin qaıta óńdeý kásiporynyna ótkizý jónindegi tapsyrmasy tur.
Osyǵan oraı irili-usaqty túıe baǵatyn qojalyqtardy biriktirip, asyl tuqymdy sútti túıelerdi satyp alý, sút qabyldaý beketterin uıymdastyrý isi qolǵa alyndy. Tıisti bólimder men mekemeler, aýyl kent okrýgterinde sharýa qojalyqtarymen semınarlar ótkizip, túsindirý jumystaryn júrgizgen.
Túrkistan oblysy
