«Karantındik jaǵdaıǵa qaramastan, aýyl sharýashylyǵy taýaryn óndirýshiler kóktemgi dala jumystarynyń merzimin saqtaýda. Egis naýqany 7 óńirde júrgizilýde. Elimizdiń ońtústik óńirlerinde jazdyq egis alqabynyń 16-dan 80%-ǵa deıini egildi. Jambyl oblysynda 326 myń ga, Almaty oblysynda – 239 myń ga, Túrkistan – 230 myń ga, Qyzylorda – 28 myń ga egin egildi», dedi Aýyl sharýashylyǵynyń birinshi vıse-mınıstri Aıdarbek Saparov.
Sondaı-aq ol Batys Qazaqstan, Pavlodar jáne Atyraý oblystarynda egin egý bastalǵanyn aıtty.
«24 sáýirdegi jaǵdaı boıynsha respýblıkanyń qalǵan óńirlerinde egis aldyndaǵy jumystary júrgizilýde. О́ńirler arzandatylǵan janar-jaǵarmaımen, tuqymdarmen qamtamasyz etilgen, tyńaıtqyshtardy jóneltý júrgizilýde. Tehnıkalar daıyn», dedi ol.
