Qazaqstan • 24 Sáýir, 2020

«Konstıtýsııalyq negiz jáne saıası praktıka» taqyrybynda onlaın-konferensııa ótti

32 retkórsetildi

Tuńǵysh Prezıdent Elbasy Qory, Konstıtýsııalyq Keńes, Abaı atyndaǵy QazUPÝ, Sorbonna-Qazaqstan ınstıtýty jáne Bilim jáne ǵylym mınıstrligi Ǵylym komıtetiniń Memlekettik tarıh ınstıtýtymen birge «Prezıdenttik basqarý formasy: konstıtýsııalyq negizi jáne saıası praktıka» atty halyqaralyq ǵylymı-praktıkalyq onlaın-konferensııasyn ótkizdi.

Qazaqstandaǵy prezıdenttik ınstıtýttyń qurylǵanyna 30 jyl tolýyna arnalǵan onlaın konferensııany Tuńǵysh Prezıdent - Elbasy qorynyń atqarýshy dırektorynyń orynbasary, Qazaqstan Respýblıkasynyń atynan Eýropa Keńesiniń Venesııa komıssııasynyń múshesi, zań ǵylymdarynyń doktory, professor Igor Rogov jáne Memleket tarıhy ınstıtýtynyń dırektory, saıasattanýshy, tarıh ǵylymdarynyń doktory, professor  Búrkitbaı Aıaǵan júrgizdi.

Tuńǵysh Prezıdent - Elbasy qorynyń atqarýshy dırektorynyń orynbasary Igor Rogov búgingi mańyzdylyǵyna toqtalyp, pandemııa kezeńine qaramastan ótip otyrǵan onlaın basqosýda elimizdiń búginge deıin qalyptasý kezeńi, memlekettik basqarý júıesi, mańyzdy oqıǵalardyń fılosofııalyq turǵydan ǵalymdar tarapynan talqylanýy asa mańyzdy dep atap ótti.

Elbasy qorynyń atqarýshy dırektory Qanat Jumabaev óziniń quttyqtaý sózinde Nursultan Nazarbaevtyń Qazaqstannyń damýyndaǵy basty róli týrasynda «Qazaqstannyń Tuńǵysh Prezıdenti reformalarynyń negizgi ózegi Qazaqstan Respýblıkasynyń údemeli damýyndaǵy jan-jaqty oılastyrylǵan strategııaǵa ári kóregen saıasatqa negizdelgen. Ony sátti júzege asyrý halyqaralyq qoǵamdastyqta óziniń laıyqty orny bar saıası jáne ekonomıkalyq turǵydan táýelsiz, derbes, egemendi memleket qurýǵa múmkindik berdi» dep atap ótti.

Konferensııaǵa Tuńǵysh Prezıdent – Elbasy Keńsesiniń basshysy Mahmut Qasymbekov, Konstıtýsııalyq Keńesiniń tóraǵasy Qaırat Mámı, Ádilet mınıstri Marat Beketaev, Fransııa Respýblıkasynyń Qazaqstandaǵy tótenshe jáne ókiletti elshisi Fılıpp Martıne, Tótenshe jáne ókiletti elshi, EQYU Baǵdarlamalyq keńsesiniń basshysy Derd Sabo, Eýropa Keńesiniń Venesııa komıssııasynyń prezdıenti Djannı Býkıkkıo, Reseı Federasııasy Úkimetiniń janyndaǵy Zańgerlik jáne salystyrmaly quqyqtaný ınstıtýtynyń dırektory, RF RǴA Prezıdenti, RF RǴA Eýropa keńesiniń Venesııa Komıssııasynyń múshesi  Talııa Habrıeva qatysty.  Konferensııaǵa qatysýshylar Elbasynyń ultaralyq kelisim men beıbitshilik ornaǵan memleketti qalyptastyrýdaǵy mańyzdy rólin atap ótti. Sondaı-aq, baıandamashylar Qazaqstannyń Tuńǵysh Prezıdentiniń ekonomıkanyń damýy úshin quqyqtyq baza men jaǵdaı jasaýǵa, sheteldermen dostyq qarym-qatynas ornatýǵa baǵyttalǵan qyzmetiniń mańyzdylyǵyn atap ótti.

Konferensııaǵa sonymen qatar memlekettik qyzmetkerler, jetekshi ǵalymdar, tarıhshylar, saıasattanýshylar, quqyqtanýshylar, Qazaqstan jáne birqatar shet elderdiń – Reseı, Fransııa, AQSh, Túrkııa, Ázirbaıjan, Qyrǵyzstan jáne t.b. joǵary oqý oryndarynyń basshylary qatysty.

 

 

Sońǵy jańalyqtar

Jigittiń jaqsysy

Rýhanııat • Keshe

Uqsas jańalyqtar