Qoǵam • 24 Sáýir, 2020

«Bolashaq» baǵdarlamasynyń túlekteri elordalyq dárigerlerge qaıyrymdylyq kómek kórsetti

10 retkórsetildi

Bólingen qarajatqa 17 myńnan astam medısınalyq maska men 100 konteıner antıseptık satyp alynyp, Nur-Sultan jáne Atyraý qalasy dárigerlerine berildi. Bul týraly elorda ákimdiginiń resmı saıty habarlady.

20 naýryzda Tuńǵysh Prezıdent – Elbasy N.Nazarbaev COVID-19 pandemııasyna baılanysty qazaqstandyqtarǵa úndeý tastap, kásipkerlerdi kúrdeli kezeńde kómek kórsetýge shaqyrdy.

«Bul qıyn kezeńde el-jurtqa kómekteskisi keletin jáne járdem bere alatyn adamdardyń qarajaty jınaqtalatyn respýblıkalyq qor qurýdy usynamyn. Osyndaı jaǵdaıda burynǵysha otandyq iri kásiporyndar da qoldaý kórsetedi dep senemin», – dedi Nursultan Nazarbaev. Bul úndeýge qazaqstandyqtardyń kópshiligi, kásipkerler men kompanııalar qoldaý bildirdi. Aksııaǵa munaı kásibine qyzmet kórsetetin iri kompanııa «CHI» de qosyldy.

Kompanııanyń negizin qalaýshy, «Bolashaq» Qaýymdastyǵy keńesiniń qurmetti múshesi Almas Qudaıbergenniń bastamasymen indetpen kúreske arnaıy qarajat bólindi. Osy qarajatqa 17 myńnan astam medısınalyq maska men 100 konteıner antıseptık satyp alyndy. Qajetti zattar Nur-Sultan men Atyraý qalalaryndaǵy dárigerlerge berildi.

Sondaı-aq, kompanııa qyzmetkerleri koronavırýs ınfeksııasyn juqtyrǵan naýqastardy emdeıtin medısına qyzmetkerlerin qoldaý maqsatynda onlaın fleshmob ótkizdi. Qatysýshylar dárigerlerge arnap eki tilde óleń oqyp, rızashylyq bildirdi. Elorda ákiminiń orynbasary Bahtııar Máken kórsetilgen kómek úshin Qaýymdastyq múshelerine alǵys aıtty.

«Otandastarymyzǵa kómektesýge múmkindigi bar qazaqstandyqtar Elbasy úndeýin nazardan tys qaldyrmaı, ortaq iske óz úlesin qosatynyna senimdimiz», – dep atap ótti ol.

Esterińizge sala keteıik, CHI – qazaqstandyq munaı-ken oryndaryna qyzmet kórsetetin iri kompanııa. Kompanııa Teńiz kenishinde jáne basqa da ken oryndarynda jumys istep, myńnan astam Qazaqstan azamattaryn jumyspen qamtamasyz etip otyr.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar