Aımaqtar • 24 Sáýir, 2020

Almaty oblysy: Aýyr qylmys azaıǵanymen, tártipsizdik tıylmady

20 retkórsetildi

Almaty oblysynda jyl basynan beri óreskel tártipsizdik sany azaıypty. Byltyrǵymen salystyrǵanda jalpy quqyq buzýshylyq 30 paıyzǵa, al asa aýyr qylmys úlesi 32 paıyzǵa tómendegen eken. Onyń ishinde mal urlyǵy men bótenniń múlkine qol suǵý deregi de kemigen. Jalpy, bul kórsetkishti zań talaptarynyń qataıǵandyǵynyń arqasynda bolǵan jetistik dep baǵalaýǵa bolady. Jáne quqyq orǵaý salasyndaǵy reforma da óz jemisin bergeni anyq.

Biraq, bul aımaqtaǵy qoǵamdyq qaýipsizdik úshin alańdamaýǵa bolmaıdy degendi bildirmeıdi eken. О́ıtkeni, aýyr qylmys azaıǵanymen usaq buzaqylyq pen ishimdikke boı aldyrǵandar sany ósipti. Ásirese qoǵamdyq oryndarda mas kúıinde tóbles shyǵaratyndar men kólik róline qyzyp alatyndar birshama bolypty. Jyl basynan bıýeri oblys polıseıleri zań buzýshylyqtyń osy eki túri boıynsha 2668 derekti anyqtap, túrli shara qoldanǵan. Tipti, 53 adamdy araqtan májbúrli túrde emdeıtin ortalyqtarǵa jibergen eken.

Mas demekshi, sońǵy kúnderde kólikti qyzý kúıde júrgizgen birneshe adam sanıtarlyq beketterdi buzyp ótýge árekettenipti. Shamaly ýaqty buryn Almaty qalasyndaǵy karantındik tosqaýyldy qıratyp, polıseıdi jaralaǵan Qarasaı aýdanynyń turǵyn ustalǵan edi. Al jaqynda Ile aýdany aýmaǵyndaǵy sanıtarlyq beketten tártip saqshylaryna qarsylyq kórsetken «Toıota Land Krýzer» kóligin mingen azamattyń qolyna kisen salyndy. Ol buǵan deıin-aq mas kúıinde mashına aıdaǵany úshin ustalyp, 5 jylǵa kólik júrgizý quqyqyǵan aıyrylǵan eken. Al Alakól aýdany Kólbaı aýylynyń eki turǵyny da sanıtarlyq beketti aınalyp ótý kezinde ustalǵan. Teksere kelgende olardyń ishimdik ishkeni anyqtalǵan. Jalpy iship alyp kólik júrgizgen 38 azamat qolǵa túsken eken

Sondaı-aq tótenshe jaǵdaı jarııalanǵaly beri polıseıslerge qarsylyq tanytyp, qyzmet babyndaǵy bılik ókilderine kúsh qoldanbaq bolǵandar kóbeıgen. Tártip saqshylary osy derek boıynsha 12 adamdy qamap, olarǵa qatysty qylmystyq is qozǵalypty.

Sońǵy jańalyqtar

Abaı murasy Bishkekte talqylandy

Rýhanııat • Búgin, 20:36

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar