Jıyn barysynda «Qandyaǵash – Maqat» jáne «Atyraý – RF shekarasy (Astrahan)» joldarynyń rekonstrýksııasy máseleleri talqylandy. Atalmysh jobalar joǵaryda atalǵan óńirler men eldiń kóliktik áleýetin arttyrýda úlken mańyzǵa ıe.
Uzyndyǵy 359 shaqyrymdy quraıtyn «Qandyaǵash – Maqat» avtomobıl jolynyń qurylysy 2018 jyly bastalǵan bolatyn. Bıyl jolshylar topyraqtyń 40,5 myń tekshe metrin, joldyń 5 shaqyrymyna jol tabanynyń negizgi qabattaryn tósedi. Sonymen qatar, qıyrshyq tastyń 598 myń tekshe metri, TBB 2,4 myń tekshe metri men bıtýmnyń 8,7 myń tonnasy daıyndaldy. Jumystarǵa tehnıkanyń 570 birligi men 950-den astam maman jumyldyrylǵan. Qaıta jańartý jumystary 2021 jyly tolyqtaı aıaqtalady dep josparlanýda.
IIDM basshysy jumystardy jyl sońyna deıin aıaqtap, Aqtóbe oblysyndaǵy uzyndyǵy 154 shaqyrymdy quraıtyn avtomobıl jolynyń ýchaskesin paıdalanýǵa berýdi, kólikterdiń Atyraý oblysyndaǵy joldyń 40 shaqyrymynda jol jabyndysynyń tómengi qabatymen júrýin qamtamasyz etýdi tapsyrdy.
Uzyndyǵy 217 shaqyrymdy quraıtyn «Atyraý – RF shekarasy (Astrahan)» jolynyń qurylysy 2019 jyly bastaldy. Bıyl nysanda topyraqtyń 2,1 myń tekshe metri, 6,3 shaqyrymǵa jol tabanynyń qabaty tóselip, qıyrshyq tastyń 107,4 myń tekshe metri daıyndaldy. Joba aıasyndaǵy jumystarǵa tehnıkanyń 171 birligi men 271 adam jumyldyryldy. Josparǵa sáıkes avtomobıl joly 2023 jyly paıdalanýǵa berilýi tıis. Beıbit Atamqulov bıyl joldyń 60 shaqyrymynda qozǵalysty ashý qajettigin, joldyń tolyq boıynda jumystardy belsendi júrgizý qajettigin atap ótti.
Budan bólek, atalmysh óńirlerde uzyndyǵy 89 shaqyrymdy quraıtyn «Aqtóbe – Atyraý» jobasyn iske asyrý, 27 shaqyrymdyq Atyraý qalasynyń burma jolynyń qurylysy josparlanǵan.
Mınıstr osy jylǵa josparlanǵan jumystardyń 100% oryndalýyn qamtamasyz etýdi tapsyrdy.
Eske salaıyq, QR Úkimeti elimizdiń avtomobıl joldary salasynyń aldyna 2020 jyldyń sońyna deıin joldardyń 2,6 myń shaqyrymynda qozǵalysty ashý sııaqty úlken mindetti qoıǵan bolatyn.
