Mundaı keleńsizdikke bıyl jol berilmeýi tıis. Qol astyndaǵy qyzmetker jemqorlyq jasasa birinshi basshy jumystan ketý jóninde ótinish jazýǵa mindetti ekeni de óz yqpalyn tıgizeri anyq. Elimizdiń memlekettik qyzmet jáne sybaılas jemqorlyqqa qarsy is-qımyl týraly zańdaryna engizilgen ózgerister men tolyqtyrýlar týraly oblys ákimi О́mirzaq Shókeevtiń tóraǵalyǵymen ótken Túrkistan oblysy ákimdigi janyndaǵy Sybaılas jemqorlyqqa qarsy is-qımyl máseleleri jónindegi komıssııanyń onlaın rejımdegi otyrysynda aıtyldy. Komıssııa múshelerinen bólek barlyq aýdan, qala ákimderi men basqarma basshylary jıynǵa beıne-baılanys arqyly qatysty. Otyrysta ótken jyly atqarylǵan jumys qorytyndylanyp, 2020 jylǵa jumys jospary quryldy.
«Túrkistan-adaldyq alańy» jobasy aıasynda óńirde aýqymdy sharalar iske asyrylýda. Sybaılas jemqorlyqqa qarsy is-qımyl agenttigi Túrkistan oblysy boıynsha departamentiniń basshysy Hakım Kóshqalıev jáne osy salaǵa jaýapty basshylar atqarylǵan ister, zańǵa engizilgen ózgertýler men tolyqtyrýlar boıynsha baıandama jasady. Prezıdent Qasym-Jomart Toqaevtyń jemqorlyqqa tózbeıtin qoǵam qalyptastyrý úshin usynǵan mindetteri túsindirildi. Otyrysty qorytyndylaǵan oblys ákimi komıssııa músheleriniń nazaryn sybaılas jemqorlyqqa qarsy kúres jumysynda jiberilgen kemshilikterdiń birsaryndylyǵyna jáne azamattyq qoǵam ınstıtýttarymen tyǵyz qarym-qatynasty qamtamasyz etýge aýdardy.
