Aımaqtar • 25 Sáýir, 2020

Kóliktik baqylaý ınspektorlaryna jasalǵan shabýyl boıynsha qylmystyq is qozǵaldy

58 retkórsetildi

15 sáýirinde oryn alǵan jol-kólik baqylaý postynyń mamandaryna qaraqshylyq shabýyl jasaý faktisi boıynsha Kókshetaý qalasynyń polısııa Departamentimen júrgizilgen izdestirý is-sharalary barysynda atalǵan oqıǵaǵa qatysy bar 5 kúdikti azamat ustaldy. M/n E006TB72 Kamaz 53205 avtokólik quraly aıyppul turaǵyna qoıyldy. Bul týraly IIDM baspasóz qyzmeti habarlady.

Ustalǵan adamdarǵa qatysty tártip saqshylary qylmystyq is qozǵap, qazirgi ýaqytta tergeý amaldary júrgizilýde.

Polısııa departamentiniń málimeti boıynsha QR QIJK 389-babynyń 3-bóliginiń sanksııasy 3 myń AEK (8,3 mıllıon teńge) deıingi mólsherde aıyppul salý, túzetý jumystary, 800 saǵatqa deıingi merzimge qoǵamdyq jumystarǵa tartý nemese 3 jylǵa deıingi merzimge bas bostandyǵyn shekteý/aıyrý túrindegi jaza kózdelgen.

Kóliktik baqylaý organdary tasymaldaýshyǵa qatysty ákimshilik is qozǵap, 277 800 teńge kóleminde aıyppul saldy. 

Esterińizge sala keteıik, 2020 jyldyń 14 sáýirinde «Kókshetaý-Qostanaı» aınalma avtojolynda Aqmola oblysy boıynsha kóliktik baqylaý ınspeksııasynyń mamandary jyljymaly kóliktik baqylaý beketinde kezekshilikti atqarý kezinde Reseı Federasııasynda tirkelgen E006TB72 m/n «Kamaz 53205» markaly sheteldik avtokólik quraly (57kea03 m/n tirkemesi) toqtatylǵan bolatyn.

2020 jyldyń 15 sáýirinde saǵat 14:15-te Beket mamandaryna memlekettik tirkeý nómirsiz úsh jeńil avtokólikpen (Lexus 470 qara tústi, Toyota Land Cruiser 200 shıe tústi jáne Lada Largus aq tústi) kelgen 5-6 adamnan turatyn belgisiz tulǵalar shabýyl jasady.

Júkterdi kabotajdyq tasymaldaýdy júzege asyratyn QR Zańnamasymen tyıym salynǵan. Qujattardy tekserý barysynda júrgizýshi tasymaldanatyn júkke qujattardy usynbastan, avtokólik quralyn memlekettik tirkeý týraly kýálikti ǵana usynǵan. 

Sońǵy jańalyqtar

«Adal bilim» jobalyq keńsesi quryldy

Qazaqstan • Búgin, 19:47

Baspanaly bolý múmkindikteri aıtyldy

Aımaqtar • Búgin, 18:15

Alakól jaǵalaýy abattandyrylyp jatyr 

Aımaqtar • Búgin, 17:44

ForteBank: Bir dollar – 388 teńge

Qazaqstan • Búgin, 15:35

Uqsas jańalyqtar