Jýyrda ǵana qalalyq polısııa basqarmasyna ınternettegi alaıaqtyq týraly birneshe shaǵym túsken. 37 jastaǵy petropavldyq qymbat baǵaly servızin ınternet habarlandyrý arqyly satpaq bolǵan eken, alýshy tez tabylyp, aldyn-ala tólemdi aýdarý úshin banktik karta nómirin suraıdy. Internet-bankıngten kodty jibergen kezde, ol kenetten alaıaqtardyń qurbanyna aınalǵanyn túsinedi. Azamattyń kart-shotynan birden 700 myń teńge joq bolyp ketken.
«Mundaı jaǵdaıǵa eshqashan túspeımin dep óz-ózime senimdi bolǵan edim. Biraq olar jaqsy psıhologtar eken. Olar meni sendirdi, sodan keıingi áreketimniń qalaı bolǵanyn ózim de túsinbeı qaldym, olarǵa SMS-kodty aıtyp berdim. Al olar meniń kartochkam arqyly depozıttik shotqa kirip, barlyq aqshamdy alyp qoıǵanda sanymdy bir-aq soqtym», deıdi jábirlenýshi.
Oblys ortalyǵynyń 57 jastaǵy taǵy bir turǵyny Facebook arqyly alaıaqtardyń qolyna túsken. Birneshe aı buryn ózin dostarynyń týysy retinde tanystyrǵan bir qyz oǵan «dos» retinde qosylady. Sózine qaraǵanda, ol Londonda turady jáne oǵan jedel túrde qundy zattar salynǵan sómkeni Petropavlǵa jiberý kerek ekenin aıtady. Sonyń kedendik shyǵyndaryn tóleýge qarjylyq kómek berýdi suraǵan. Keıin kórsetken kómegi úshin úlken syıaqy berýge ýáde beredi. Onyń sózine sengen petropavldyq birneshe apta ishinde Reseı bankteriniń birindegi qyzdyń bank kartochkalaryna 3 mıllıon 700 myń teńgeden astam somaǵa birneshe ret aýdarym jasaıdy. Bank qaýipsizdik qyzmetteriniń eskertý qońyraýlaryna da qaramaǵan, eń sońynda týystary ony polısııaǵa ózderi alyp kelgen.
Qazirgi ýaqytta krımınaldyq polısııa qyzmetkerleri ınternet-alaıaqtardyń qaı jerde ekenin anyqtaý úshin jedel-izdestirý is-sharalaryn júrgizýde. Soǵan qaraǵanda áıeldiń psıhologııalyq áser ete alatyn qabileti bolǵany kórinip tur. Petropavl qalalyq krımınaldyq polısııa bóliminiń bastyǵy, polısııa maıory Darhan Zııafedın turǵyndardan eshkimge parolin, PIN-kodtardy jáne CV-kodtardy aıtpaýlaryn suraıdy.
«Aldyn ala tólem nemese salym túrinde kúmándi mámileler jasamaý qajet, jaǵdaıdy anyqtamaı dostaryńyzǵa nemese týystaryńyzǵa aqsha aýdarýǵa asyqpańyzdar, senimdi bolý úshin aqparatty tekserip, vıdeo qońyraý shalyńyzdar», deıdi ol.
PETROPAVL
