Almaty qalasy áleýmettik ál-aýqat basqarma basshysy Rahat Shımasheva. Onlaın brıfıng barysynda bul tizimniń úshinshi ret jańartylyp otyrǵanyn jetkizdi.
Eger tizimge alǵashqyda 60 myń adam ilinse, bul joly tizim boıynsha jeńildikke ilingender sany 108 500. Qazirgi kezde tizim Almaty qalasynyń Energotıimdilik jáne ınfraqurylymdyq damý basqarmasyna berildi. Atalǵan vedomstvo basshysy Áset Masabaev sáýirdiń kommýnaldyq tólemaqysy mamyrda, al mamyr aıynyń tólemderi maýsymda tólenetindigin jetkizdi.
Búginde 60 myń adamǵa aqsha bólýge ótinish berilgen. Alaıda tizimdegilerdiń sany júz myńnan asyp ketken. Degenmen Á.Masabaevtyń aıtýynsha, 100 299 adam jeńildikti alýǵa quqyly. Búginde 2 myń ǵana adam óz mártebesin rastaı alǵan. Almatylyqtar ózderiniń tizimde bar-joǵyn 355-19-55 nómiri arqyly bile alady.
ALMATY
