Sońǵy táýlikte jańadan 9 jaǵdaı anyqtalyp otyr. О́ńirlik kommýnıkasııalar qyzmetinde ótken brıfıngte oblystyq densaýlyq saqtaý basqarmasynyń basshysy Jaqsylyq Ábdisámetov jańadan tirkelgen naýqastar týraly aıtyp berdi.
Olardyń beseýi Qyzylorda qalasynan, tórteýi Shıeli aýdanynan shyǵyp otyr. Oblys ortalyǵynda anyqtalǵan turǵyndardyń barlyǵy aldynda naýqastarmen jaqyn qarym-qatynasta bolyp, karantındik baqylaýǵa alynǵandar. Shıeli aýdanynda osy indetke shaldyqqan 4 naýqastyń úsheýi osyndaı karantındik baqylaýǵa alynǵandar arasynan shyǵyp otyr. Al bireýi Reseıden kelgen stýdentten anyqtaldy. Búginde atalǵan naýqastardyń barlyǵy oblystaǵy ınfeksııalyq aýrýhanalarǵa aýystyrylyp, tıisti emderin bastady, – dedi Jaqsylyq Ábdisámetov.
Jaqsylyq Ábilqasymuly ótken táýlikte oblysymyzda koronavırýstyq ınfeksııaǵa baılanysty 694 test synamasy alynǵanyn aıtyp ótti. Onyń 509-i teris mándi bolyp shyqsa, 176-i áli tekserilýde.
Sondaı-aq, basqarma basshysy sońǵy ýaqyttary vırýstyń otbasylyq jáne týystyq baılanys arqyly juǵý kórsetkishteriniń sany artqanyn atap ótti. Mysaly, Qyzylorda qalasynda indet juqtyrǵan 5 turǵyn bir otbasynyń adamdary.
Qyzylorda oblysy
