Ashyq dıalog barysynda kásipkerler kásiporyndardyń jumysyn birtindep qalpyna keltirý boıynsha óz usynystaryn aıtty. Máselen, turmystyq tehnıkany satatyn dúkenderdi ashý týraly usynys aıtyldy. Turǵyndarda tońazytqysh, salqyndatqysh, plıta jáne ózge de tehnıkalardy satyp alý qajettiligi týyndap otyr.
Sonymen birge arnaıy halyqqa qyzmet kórsetý ortalyqtaryn barynsha onlaın rejımge beıimdep ashý usynyldy.
Onlaın-konferensııaǵa qatysýshylar onlaın-servısterdi damytý men memlekettik qyzmetterdi elektrondyq formatqa barynsha kóshirý qajettigin atap ótti. «Atameken» QR UKP Basqarma Tóraǵasy Abylaı Myrzahmetov usynystar eskeriletindigin aıtty.
Kásipkerlerdiń usynystary Tótenshe jaǵdaı rejımin qamtamasyz etý jónindegi memlekettik komıssııanyń otyrysynda talqylanady.
